შინაგან საქმეთა სამინისტროს ინფორმაციით,9 აგვისტოს ტყიბულში მომხდარი განზრახ მკვლელობის ფაქტზე ერთი პირი დააკავეს.

დაკავებული ზ.ჩ. წარსულში ყაჩაღობისა და ძალადობისათვის ნასამართლევია. დანაშაული 7-დან 15 წლამდე ვადით თავისუფლების აღკვეთას ითვალისწინებს.

გამოძიების ინფორმაციით, ბრალდებულმა ტყიბულის რაიონის სოფელ ბზიაურის ტერიტორიაზე, ცენტრალურ საავტომობილო გზაზე, შურისძიების მიზნით, იარაღით დაზიანება მიაყენა, 1986 წელს დაბადებულ ზ.ს.-ს, რომელიც მიღებული დაზიანებების შედეგად საავადმყოფოში მიყვანისთანავე გარდაიცვალა.

სამართალდამცველებმა ბრალდებული ქუთაისში, მოსამართლის განჩინების საფუძველზე დააკავეს. განზრახ მკვლელობისა და ცეცხლსასროლი იარაღის მართლსაწინააღმდეგო შეძენა, შენახვა, ტარების ფაქტზე გამოძიება სსკ-ის 108-ე და 236-ე მუხლის მე-4 ნაწილით მიმდინარეობს.

ტყიბულში მანქანაზე თავდასხმის შედეგად ერთი ადამიანი გარდაიცვალა