ქობულეთში, ბუნგალო ჰავანაში მომუშავე კიდევ ორ პირს კორონავირუსი დაუდასტურდა. ამის შესახებ ინფორმაცია On.ge-ს აჭარის ჯანდაცვის სამინისტროში მიაწოდეს. სამინისტროს განცხადებით, ჯამში, აჭარაში ოთხი ახალი დადასტურებული შემთხვევაა, მათგან ორი ქობულეთის კონტაქტია, ხოლო ორი კი შემოტანილი.

ამ ეტაპზე ბათუმის ინფექციურ კლინიკაში სულ 23 პაციენტი აგრძელებს მკურნალობას. ქობულეთის კლასტერიდან ჯამში კარანტინში 54 პირია გადაყვანილი, ხოლო 25 პირს სინჯები აღებული აქვთ და პასუხები ცნობილი ხვალ გახდება.