ხუთი ინფიცირებული პაციენტიდან ორის ინფიცირების წყარო ლენჯერია

დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

ინფექციური საავადმყოფოს სამედიცინო დირექტორის, მარინა ეზუგბაიას თქმით, დღეს, 13 აგვისტოს საქართველოში კორონავირუსით კიდევ 5 პაციენტი დაინფიცირდა.

"ხუთი ინფიცირებული პაციენტიდან ორის ინფიცირების წყარო გახლავთ ლენჯერი, ერთის წყარო არის დადასტურებულთან კონტაქტი, ხოლო ორი შემოტანილი შემთხვევაა, საიდანაც ერთი სატვირთოს მძღოლია", — განმარტა მარინა ეზუგბაიამ.

მისივე ინფორმაციით, დღეს კოვიდცენტრებში 198 პაციენტი მკურნალობს და აქედან შვიდის მდგომარეობა ისევ კრიტიკულია. ამასთან, 17 ადამიანის მდგომარეობა ფასდება, როგორც მძიმე, ხოლო დანარჩენები საშუალო სიმძიმით მიმდინარეობის.

ჯამში, დადასტურებულ შემთხვევათა რაოდენობა 1 283-მდე გაიზარდა, მათ შორის, გამოჯანმრთელებულია 1068 ადამიანი, გარდაცვლილი — 17. კარანტინის რეჟიმში 7 718 პირი რჩება, სტაციონარში მეთვალყურეობის ქვეშ კი 245 პაციენტია