ლელომ მაჟორიტარი დეპუტატობის კანდიდატები დაასახელა. ღონისძიება მცხეთაში გაიმართა.

ჯამში, ლელომ დღეს 25 მაჟორიტარულ ოლქში დაასახელა კანდიდატი. მათ შორის, თბილისის ყველა ოლქში. უცნობია, დაასახელებს პარტია დარჩენი ხუთი ოლქში ვინმეს თუ სხვა პარტიებთან შეთანხმებით, თავის კანდიდატს არ დააყენებს.

თბილისი

• საბა ბუაძე — მთაწმინდისა და კრწანისის რაიონები;
• ლევან კობერიძე — ვაკის რაიონი;
• ბადრი ჯაფარიძე — საბურთალოს რაიონი;
• ლანა გალდავა — ისნის რაიონი;
• ფიქრია ჩიხრაძე — სამგორის რაიონი;
• ლევან სამუშია — დიდუბისა და ჩუღურეთის რაიონები;
• გიგლა მიქაუტაძე — გლდანის რაიონი;
• ნიკოლოზ ჩერქეზიშვილი — ნაძალადევის რაიონი.

რეგიონები

• გრიგოლ გეგელია — რუსთავის მუნიციპალიტეტი და გარდაბნის მუნიციპალიტეტის ნორიოს, მარტყოფის, ახალსოფლის, სართიჭალის, გამარჯვების, ახალი სამგორის, ლემშვენიერის, თელეთის, კუმისისა და კრწანისის ადმინისტრაციული ერთეულები;
• მურად მურადოვი — მარნეულისა და გარდაბნის (ნორიოს, მარტყოფის, ახალსოფლის, სართიჭალის, გამარჯვების, ახალი სამგორის, ლემშვენიერის, თელეთის, კუმისისა და კრწანისის ადმინისტრაციული ერთეულების გარდა) მუნიციპალიტეტები;
• სოსო ვახტანგაშვილი — მცხეთის, დუშეთის, თიანეთისა და ყაზბეგის მუნიციპალიტეტები;
• პაპუნა კობერიძე — კასპისა და გორის (ვარიანის, ნიქოზის, ტირძნისის, სკრისა და შინდისის ადმინისტრაციული ერთეულების გარდა) მუნიციპალიტეტები;
• კახა კოჟორიძე — ხაშურისა და ქარელის მუნიციპალიტეტები და გორის მუნიციპალიტეტის ვარიანის, ნიქოზის, ტირძნისის, სკრისა და შინდისის ადმინისტრაციული ერთეულები;
• ანა ნაცვლიშვილი — ქუთაისის მუნიციპალიტეტი;
• ანი მიროტაძე — საჩხერის, ჭიათურისა და ხარაგაულის მუნიციპალიტეტები;
• ანა ბიბილაშვილი — ტყიბულის, თერჯოლის, ზესტაფონისა და ბაღდათის მუნიციპალიტეტები;
• თორნიკე ართმელაძე — სამტრედიის, წყალტუბოს, ვანისა და ხონის მუნიციპალიტეტები;
• ალექსანდრე ახვლედიანი — ზუგდიდის მუნიციპალიტეტი;
• გიორგი ბარამია — ფოთის, ხობისა და სენაკის მუნიციპალიტეტები;
• გიორგი სიორიძე — ოზურგეთის, ლანჩხუთისა და ჩოხატაურის მუნიციპალიტეტები;
• ირაკლი კუპრაძე — ბათუმის მუნიციპალიტეტი;
• პაატა ცივაძე — ქობულეთის მუნიციპალიტეტი და ხელვაჩაურის მუნიციპალიტეტის მახინჯაურის ადმინისტრაციული ერთეული;
• ჯამბულ ხოზრევანიძე — ხელვაჩაურის (მახინჯაურის ადმინისტრაციული ერთეულის გარდა), ქედის, შუახევისა და ხულოს მუნიციპალიტეტები;
• სოსო ლიპარტელიანი — ამბროლაურის, ონის, ცაგერის, ლენტეხისა და მესტიის მუნიციპალიტეტები;
• ეკა ქვლივიძე — გურჯაანის, საგარეჯოს, სიღნაღისა და დედოფლისწყაროს ოლქი.

შეგახსენებთ, რომ მას შემდეგ, რაც მმართველი გუნდის ლიდერმა, ბიძინა ივანიშვილმა პირობა არ შეასრულა და პროპორციული საარჩევნო სისტემის კანონპროექტი ჩავარდა, ოპოზიცია ბოიკოტის რეჟიმში გადავიდა. საპროტესტო აქციების, პარლამენტის პიკეტირებების, აქციების დაშლისა და ფასილიტატორი ელჩების ჩართვის შემდეგ, ოპოზიცია და მმართველი გუნდი ახალ "თითქმის პროპორციულ" საარჩევნო სისტემაზე შეთანხმდა, რომლის მიხედვითაც პარლამენტში საარჩევნო სიით 120 დეპუტატი შევა, 30-ს კი მაჟორიტარულ ოლქებში აირჩევენ.

საპარლამენტო არჩევნები 2020 წლის ოქტომბერში სწორედ ამ სისტემით ჩატარდება.