პრემიერმინისტრ გიორგი გახარიას განცხადებით, "არანაირი საფუძველი და მოცემულობა არჩევნების თარიღის ცვლილების არ არსებობს".

ასე უპასუხა მან ჟურნალისტის კითხვას, კორონავირუსის გაზრდილი სტატისტიკის გამო, შეიძლება თუ არა გადაიდოს არჩევნები.

საპარლამენტო არჩევნები საქართველოში 2020 წლის ოქტომბერშია დაგეგმილი. მოსახლეობა დეპუტატებს ახალი სისტემით (120/30) აირჩევს, რაც იმას ნიშნავს, რომ მომდევნო პარლამენტში 120 დეპუტატი საპარლამენტო სიით შევა, ხოლო 30 მაჟორიტარი იქნება.