თბილისის ცენტრალური საავადმყოფო იტალიელი ექიმის განცხადებას აქვეყნებს, სადაც ის ქართველ ექიმებთან 2016-2018 წლებში თანამშრომლობას ადასტურებს.

"მიუხედავად რამდენიმე სამედიცინო გართულებისა, რომლებიც ჯანდაცვის სფეროში არსებობს, ჩვენ მიგვაჩნია, რომ ეს თანამშრომლობა წარმატებული იყო და ამან ქართველ პაციენტებს საშუალება მისცა თანამედროვე მკურნალობის მეთოდები მიეღოთ", — აცხადებს რობერტო აგაცი.

მისივე თქმით, გაოცებულია ადგილობრივ მედიაში გავრცელებული დეზინფორმაციით და ქართველ ექიმებს მხარდაჭერას უცხადებს.

4 აგვისტოს პროკურატურამ გაავრცელა ინფორმაცია თბილისის ცენტრალური საავადმყოფოს დირექტორისა და ექიმების დაკავების შესახებ. უწყების ინფორმაციით, კლინიკის ექიმმა პაციენტი დაარწმუნა, რომ ქირურგიულ ოპერაციას იტალიიდან მოწვეული ექიმები ჩაუტარებდნენ, თუმცა ოპერაცია, შესაბამისი ლიცენზიის გარეშე, თავად გაუკეთა, რის შემდეგაც პაციენტი ამ დრომდე კომაშია.