ინფორმაცია, რომ ჭავჭავაძის პარალიზება ადეიშვილმა დაგეგმა, ყალბმა ანგარიშმა გაავრცელა
![](http://phoebe.on.ge/2020/08/05/botebiiii_5f2b07a898d5c.jpg)
ფოტო: On.ge
5 აგვისტოს facebook მომხმარებელმა, სახელწოდებით Davit Gelashvili, გაავრცელა ინფორმაცია, თითქოს იგი ერთ-ერთ კაფეში სახელწოდებით ბუფფალინო შვილთან ერთად იმყოფებოდა, სადაც ქართველი გენერლის, გიგი კალანდაძის და მეორე უცნობი პირის დიალოგს შეესწრო. პოსტის მიხედვით, ისინი ადეიშვილის გეგმით ჭავჭავაძის გამზირის პარალიზების შესახებ საუბრობდნენ.
Davit Gelashvili, წერდა, რომ ამ პირებს შორის ასეთი დიალოგი შედგა:
"არა ძმაო, რა, მართლა მოზგი და შენძრეულია ზურა!" – "ვინ ზურა?" - ეკითხება მეორე, - "ადეიშვილი, ბიჭო, ხომ იცი რა მოიფიქრა? ჩვენს აქტივს თბილისში დაავალა ჭავჭავაძეზე ხშირად იმოძრაონ მანქანებით და ყოველ დღე 2-3 მანქანა ვითომ უნდა გაგიფუჭდეთ და მოძრაობა გაჭედოთ, რომ რაც შეიძლება ბევრი ხალხის უკმაყოფილება მოჰყვესო".
ანგარიში, რომელიც ამ ინფორმაციას აქვეყნებს, ყალბია. გუშინ გამოქვეყნებულ პოსტშივე ის წერს, რომ სოციალურ ქსელში არ აქტიურობს, თუმცა მის გვერდზე გამოქვეყნებულ ფოტოებს ძველი თარიღი აქვს მითითებული, რეალურად კი, ყველა მათგანი გუშინ, გვიან ღამით, უკვე 5 აგვისტოთი თარიღდება. Facebook-ს აქვს ფუნქცია, რომელიც ძველი თარიღით გამოქვეყნებული პოსტის ნამდვილ თარიღს აჩვენებს. როგორც ჩანს, პოსტების გამოქვეყნების დრო სპეციალურად შეცვალეს.
![](http://phoebe.on.ge/2020/08/05/davit_gelashvili1.jpg)
![](http://rachel.on.ge/2020/08/05/davit_gelashvili2.jpg)
![](http://chandler.on.ge/2020/08/05/davit_gelashvili3.jpg)
Davit Gelashvili "ვინ ვინ არის - vin vin aris"-მაც გაშიფრა. დადგინდა, რომ ანგარიში ყალბია და გამოყენებულია ვინმე Marcel Kolodrovschi-ს ფეისბუქზე გამოქვეყნებული ფოტოები, რომლებიც 2012-2013 წლით თარიღდება.
ასევე საინტერესოა ისიც, რომ Marcel Kolodrovschi-ს სახელწოდებით Одноклассники-ს ანგარიშიც არსებობს, სადაც 333 ფოტო იძებნება.
მას შემდეგ, რაც ყალბი ანგარიშის შესახებ ინფორმაცია გავრცელდა, Davit Gelashvili-ს პოსტი, ასევე, პროფაილი ფეისბუქზე აღარ იძებნება.
აღსანიშნავია ისიც, რომ მას შემდეგ, რაც ყალბ ანგარიშზე თითქოსდა ადეიშვილის მიერ ჭავჭავაძის გამზირის პარალიზების გეგმის შესახებ დაიწერა, სამთავრობო ტელევიზიამ, POSTV-მ მხოლოდ ამ ანგარიშზე დაყრდნობით ანალოგიური ინფორმაცია გაავრცელა.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები