ვინ თქვა, რომ კომიქსის სამყაროში ყოველთვის სიკეთე იმარჯვებს: ამაში თუნდაც გასულ წელს გამოსულმა ჯოკერმა დაგვარწმუნა, რომელმაც კარგად ნაცნობი პერსონაჟის იმაზე ბნელი მხარეები გაგვაცნო, ვიდრე წარმოვიდგენდით.

ახლა კი დროა მარველის საშინელებათა ჟანრის ისტორიებიც ვიხილოთ.

მალე სტრიმინგ სერვის Hulu-ზე ახალი სატელევიზიო შოუ Helstrom გამოჩნდება, რომელიც კომიქსის ცნობილი გმირების, დეიმონ ჰელსტრომისა და სატანას შესახებ გადაიღეს. სერიალის სიუჟეტიც სწორედ ამ პერსონაჟების ირგვლივ განვითარდება და მათ საერთო მამის, ცნობილი სერიული მკვლელის შემზარავ წარსულთან გამკლავება მოუწევთ.

უკვე შეგვიძლია სერიალის პირველი ტრეილერი შევაფასოთ:

სერიალი პოლ შბიშევსკიმ გადაიღო, რომელსაც მანამდე ისეთი გახმაურებული სატელევიზიო შოუს შექმნაში მიუღია მონაწილეობა, როგორიცაა Lost — შბიშევსკი რამდენიმე ეპიზოდის ავტორი და პროდიუსერი იყო.

სერიალში მთავარ როლებს Misfits-ის ვარსკვლავი ტომ ოსტინი და Succession-ის მსახიობი სიდნი ლემონი ასრულებენ.

"ეს არის ისტორია ოჯახზე, რომელშიც დავიბადეთ და ოჯახზე, რომელსაც თავად ვქმნით. ეს არის ამბავი მემკვიდრეობაზე, რომლის ტარება იძულებით გვიწევს; გარემოზე, რომელშიც გავიზარდეთ და ღირებულებებზე, რომლებიც ჩვენს შეხედულებებზე დიდ გავლენას ახდენს. Helstrom ბნელი, მძიმე და სასტიკი ამბავის შესახებ მოგვითხრობს", — განაცხადა შოუს შემქმნელმა პოლ შბიშევსკიმ.

სერიალის პირველ სეზონში სულ ექვსი ეპიზოდი იქნება და მისი პრემიერა 16 ოქტომბერს შედგება.