ტელეწამყვანი დიანა ტრაპაიძე TV პირველზე დაბრუნდა. ამის შესახებ ინფორმაცია მან On.ge-ს დაუდასტურა. დიანა ტრაპაიძემ არხი 15 ივნისს, ნინო ჟიჟილაშვილისა და ვახო სანაიას შემდეგ დატოვა.

ჟურნალისტმა მაშინ ფეისბუქზე დაწერა და მიუთითა, რომ სხვა არხზე არ გადადის და დასვენებას აპირებს:

"ყველაფერს აქვს დასაწყისი და დასასრული. ჩავთვალე რომ ახლა დასრულების დროა".

TV პირველის ჟურნალისტებმა, ნინო ჟიჟილაშვილმა და ვახო სანაიამ ტელევიზიიდან წასვლის შესახებ 12 ივნისს, პირდაპირ ეთერში გამოაცხადეს. ტელეწამყვანებთან ერთად არხი დატოვეს გადაცემა პოლიტმეტრის პროდიუსერმა გიორგი დარჩაშვილმა, პროდიუსერმა და ჟურნალისტმა ხატია შამანაურმა, წამყვანმა და ჟურნალისტმა გიორგი კიკაბიძემ, წამყვანმა და ჟურნალისტმა სოფო მაისურაძემ, პროდიუსერმა მიხო კოტეტიშვილმა.