სენეგალელი დიპლომატი ფატმა სამბა დიუფ სამურა პირველი ქალია, რომელიც FIFA-ს გენერალურ მდივნად დანიშნეს. ის ამ თანამდებობაზე ჟერომ ვალკეს შეცვლის, რომელსაც საფეხბურთო საქმიანობაში ჩართვა 12 წლით მას შემდეგ აეკრძალა, რაც ის კორუფციაში დაადანაშაულეს. ინფორმაციას ამის შესახებ BBC ავრცელებს.

რაც შეეხება სამურას გამოცდილებას, ის 21 წლის განმავლობაში გაეროში, ნიგერიაში, მუშაობს და ოთხ უცხო ენას ფლობს. ფიფაში თავისი უფლება-მოვალეობების შესრულებას კი სამურა ივნისიდან შეუდგება.

"მან დაამტკიცა, რომ აქვს უნარი, შექმნას და მართოს გუნდი, გააუმჯობესოს ორგანიზაციის საქმიანობა. ფიფასთვის ყველაზე მნიშვნელოვანს რაც შეეხება, მან იცის, რომ გამჭვირვალობა და ანგარიშის ჩაბარება საფუძვლად უდევს ყველა კარგად მართულ და პასუხისმგებლიან ორგანიზაციას".

სამურას აღნიშნულ თანამდებობაზე დანიშვნა მექსიკაში ჩატარებულ ფიფას კონგრესზე გაცხადდა.

რაც შეეხება სამურას წინამორბედ ჟერომ ვალკეს, მას საფეხბურთო საქმიანობაში ჩართვა 12 წლით მას შემდეგ აეკრძალა, რაც გამოძიებამ დაადგინა, რომ მსოფლიო თასზე ბილეთების უკანონო გაყიდვაში იყო ჩართული. ფიფას ყოფილი პრეზიდენტი, ზეფ ბლატერმა კი 17–წლიანი მოღვაწეობის შემდეგ ორგანიზაცია გასულ წელს დატოვა. მოგვიანებით ცნობილი გახდა, რომ ფიფას მართვის პროცესში ეთიკური ნორმების დარღვევის გამო, ის საფეხბურთო საქმანობას 6 წლით ჩამოაშორეს.