ინგოროყვას კლინიკის ერთ-ერთ ექიმს კორონავირუსი დაუდგინდა. როგორც კლინიკაში On.ge-ს ინფორმაცია მიაწოდეს, ექიმის ცვლაში მომუშავე სამედიცინო პერსონალი კარანტინშია გადაყვანილი.

"ჩატარდა სრული დეზინფექცია რეკომენდაციების მიხედვით და შესაბამისად დეპარტამენტის სამედიცინო პერსონალი სრულად დაკომპლექტდა განახლებული სპეციალისტებით. კლინიკა შეუფერხებლად აგრძელებს მუშაობას", — ნათქვამია კლინიკის განცხადებაში.

ბოლო მონაცემებით, ქვეყანაში კორონავირუსის სულ 1 117 შემთხვევაა გამოვლენილი, აქედან 917 ადამიანი უკვე გამოჯანმრთელდა, ხოლო 16 გარდაიცვალა. კარანტინის რეჟიმში რჩება 5 936 პირი, სტაციონარში მეთვალყურეობის ქვეშ — 268. უცხოეთიდან საქართველოში სამკურნალოდ 41 ადამიანი გადმოიყვანეს.

ინფექციური საავადმყოფოს კლინიკური დირექტორის, მარიან ეზუგბაიას განცხადებით, კორონავირუსის 13 ახალი შემთხვევიდან ერთის გარდა ყველას წყარო ცნობილია.

მისი თქმით, 3 პაციენტის წყარო არის ლილოს ბაზრობა, 1 არის გაჩიანიდან, ხოლო 2 არის სამედიცინო პერსონალი. ამასთან, 5 არის შემოტანილი შემთხვევა, მათგან 4 სატვირთო მანქანის მძღოლია. 1 პირი დადასტურებული შემთხვევის კონტაქტია.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: