პრემიერმინისტრი გიორგი კვირიკაშვილი შოთა რუსთაველის დღის დაწესების ინიციატივით გამოდის. ამის შესახებ, მან დღეს, 9 დეკემბრის მთავრობის სხდომაზე განაცხადა:

"შოთა რუსთაველის დღე, ყოველწლიურად გახდებოდა პოეზიის, ჰუმანიზმის ზეიმი და კულტურული მიმართულებით საქართველოს წარმოჩენის კიდევ ერთი ძალიან კარგი შესაძლებლობა იქნებოდა".

პრემიერმა ამ საკითხზე მუშაობის თხოვნით მიმართა კულტურისა და განათლების მინისტრებს, რომლებმაც ამ მიმართულებით მეტი კონკრეტიკა საზოგადოებას მთავრობის მომავალი სხდომისთვის უნდა შესთავაზონ.

მთავრობის მეთაურის თქმით, შოთა რუსთაველის დაბადებიდან 850 წლის იუბილესთან დაკავშირებით, არაერთი საზეიმო ღონისძიება გაიმართა, თუმცა, მისივე თქმით, საარჩევნო პროცესისა და გრძელვადიანი წინასაარჩევნო პერიოდიდან გამომდინარე, სათანადოდ ვერ მოხერხდა იუბილეს აღნიშვნა:

"შოთა რუსთაველის დღის დაწესება იქნებოდა ძალიან კარგი ასევე ახალგაზრდა თაობისთვის, ვინაიდან არ მჭირდება ალბათ იმაზე ბევრი საუბარი, რა უზომოდ ბევრი განზომილება გააჩნია შოთა რუსთაველის ფენომენს საქართველოსთვის და მთლიანად კაცობრიობისთვის".