15 წლის მოზარდს, ნინო ჯარიაშვილს ოჯახი უკვე მეხუთე დღეა ეძებს. დღეს, 23 ივლისს საღამოს სახლში, სადაც ბავშვი ცხოვრობდა სამართალდამცველები იყვნენ. მათ ტერიტორია უკომენტაროდ დატოვეს. მოზარდის გაუჩინარების შესახებ დედამ ინფორმაცია კვირას, 19 ივლისს შეატყობინა პოლიციას.

დაკარგულის მამა მთავარ არხთან საუბარში ამბობს, რომ ნინო ჯარიაშვილმა სახლიდან წასვლამდე დედას წერილი დაუტოვა:

"რაღაც წერილი დაუტოვებია, რომ თქვენთან ცხოვრება არ მინდა, თუ რაღაც ასეთი მსგავსი, მეტი არაფერი არ ვიცი. ბათუმში შეამჩნიესო, ბათუმში არის დაფიქსირებული და ტერიტორიულად არის ბათუმშიო, ეს გავიგე, მეტი არაფერი. სად არის, როგორ არის, რას აკეთებს, ვისთან ერთად არის, ცოცხალია, მკვდარია არ ვიცი. ვინც კი ვიცოდი, მაგის მხირდან მეგობრები, დაქალები ყველა ვნახე აბოლუტურად, ვერსად ვერ ვპოულობ. ამიტომ მივმართე პოლიციას, იქნება რამენაირად დამეხმარონ, ბავშვი მაპოვნინონ, მაგრამ იქიდანაც არანაირი შედეგი არ არის, ჯერჯერობით".

On.ge ინფორმაციის გადამოწმებას შინაგან საქმეთა სამინისტროში ცდილობს. მათ კომენტარს მიღებისთანავე შემოგთავაზებთ.