უმრავლესობის წევრი და ნაძალადევის რაიონში ქართული ოცნების მაჟორიტარი დეპუტატობის კანდიდატი, მიხეილ ყაველაშვილი ამბობს, რომ ისურვებდა კონკურენტებთან საგნობრივი სახის დებატები მაინც ჰქონოდათ. მისი თქმით, თუ "ჯანსაღად" მოღვაწეობ, გინდა, შენი მეტოქეც ძლიერი იყოს.

"სპორტში ასეა, თუ ჯანსაღად მოღვაწეობ, გინდა, რომ შენი მეტოქე ძლიერი იყოს, რომ შენც კარგ ფორმაში იყო და კონკურენცია გაგიწიოს. კონკურენტებთან მიმართებაში ვისურვებდი, რომ დებატის სახით მაინც საგნობრივი და შინარსობრივი დისკუსიები და მსჯელობები გამართულიყო, მაგრამ მათ სალაპარაკო არ აქვთ", — განაცხადა ყაველაშვილმა იმედის ეთერში.

ყაველაშვილის თქმით, ის, რასაც მათი ოპონენტები სთავაზობენ საზოგადოებას "აბსოლუტურად ზღვარსგადასულია" და ამიტომ, მნიშვნელოვანია, რომ საზოგადოებას სწორი ინფრომაცია მიაწოდონ.