ფეხბურთის ფედერაციის პრეზიდენტის ლევან კობიაშვილის განცხადებით, გულშემატკივრები ფეხბურთის მატჩებზე დასწრებას ისევ შეძლებენ. მისი განმარტებით, პროტოკოლში ცვლილებები მალე შევა.

კობიაშვილის განცხადებით, მატჩზე დასასწრებად საჭირო იქნება სპეციალური წესების დაცვა, მათ შორის იქნება თერმოსკრინინგიც.

"უამრავმა ადამიანმა ნახა, როდესაც გულშემატკივრები სტადიონის მიღმა იკრიბებოდნენ. ეს ნამდვილად არ არის უსაფრთხო კოვიდთან მიმართებაში, სასურველი არა მათი ერთი სივრცეში ნახვა, შესაბამისად საკითხი დადგა გულშემატკივრების სტადიონზე დასწრებისა. სასიხარულოა, რომ პოზიტიური მხარდაჭერაა ამ კუთხით. შეგვიძლია ვთქვათ, რომ პროტოკოლში შეტანილი იქნება გულშემატკივრების დაშვება, თუმცა ხაზს გავუსმევ ეს არ მოხდება ქაოტურად, დაცული იქნება ყველა ის სტანდარტი რაც უკვე არის შემუშავებული", — განაცხადა კობიაშვილმა.