დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, კორონავირუსით ტესტირების მაჩვენებელი ყოველ მილიონ მოსახლეზე 49 000-ა, რაც, მისი თქმით, მსოფლიოს საშუალო მაჩვენებელია. ამის შესახებ გამყრელიძემ მთავრობის ადმინისტრაციაში გამართული უწყებათაშორისი საკოორდინაციო საბჭოს შემდეგ განაცხადა.

გამყრელიძის ინფორმაციით, სულ ჩატარებულია 182 000 PCR ტესტი და 116 000 სწრაფი ტესტი. მისი თქმით, ბოლო ერთი კვირის განმავლობაში ტესტირების დღიურმა მაჩვენებელმა 3500-ს მიაღწია. მანვე აღნიშნა, რომ ტესტირება კიდევ უფრო გაფართოვდება.

StopCov-ის სტატისტიკით, 21 ივლისისთვის საქართველოში კორონავირუსის 10 ახალი შემთხვევა დადასტურდა, გამოჯანმრთელდა 3 ადამიანი.

ბოლო მონაცემებით, ქვეყანაში კორონავირუსის სულ 1049 შემთხვევაა გამოვლენილი, აქედან 903 ადამიანი უკვე გამოჯანმრთელდა, ხოლო 16 გარდაიცვალა. კარანტინის რეჟიმში რჩება 5 534 პირი, სტაციონარში მეთვალყურეობის ქვეშ — 267. უცხოეთიდან საქართველოში სამკურნალოდ 41 ადამიანი გადმოიყვანეს.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: