შინაგან საქმეთა სამინისტროს განცხადებით, ქუთაისში ქალის მკვლელობის ბრალდებით მისი მეგობარი დააკავეს. უწყებაში აცხადებენ, რომ 18 ივლისს საცხოვრებელ ბინაში, მეგობართან სტუმრად ყოფნის დროს, ურთიერთშელაპარაკების ნიადაგზე, ბრალდებულმა ქალმა მასპინძელ ქალს ცივი იარაღით რამდენიმე ჭრილობა მიაყენა და შემთხვევის ადგილიდან მიიმალა, მიყენებული დაზიანებების შედეგად, მასპინძელი ადგილზე გარდაიცვალა.

უწყების განცხადებით, ამოღებული აქვთ დანაშაულის ჩადენის აირაღი, დანა. მათივე თქმით, ბრალდებული დანაშაულს აღიარებს. შემთხვევის ადგილას სხვა პირების ყოფნის შესახებ უწყება ინფორმაციას არ ავრცელებს.

საქმეზე გამოძიება საქართველოს სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს. დანაშაული 7-დან 15 წლამდე ვადით თავისუფლების აღკვეთას ითვალისწინებს.