ინფრასტრუქტურისა და რეგიონული განვითარების მინისტრის განცხადებით, ქართული ოცნება საკადრო რესურსით ძალიან მდიდარია. მაია ცქიტიშვილმა ასე საარჩევნო კამპანიის გახსნასთან და მაჟორიტარობის კანდიდატებთან დაკავშირებულ კითხვას უპასუხა. მის კომენტარს პრესსამსახური ავრცელებს.

"რაც შეეხება ახალ სახეებს, აუცილებლად იქნებიან, ჩვენ წარვადგენთ ახალგაზრდებსაც, ქალბატონებსაც. ამაზე უფრო დეტალურად ორშაბათს ვისაუბროთ. [...] ორშაბათს იქნება მაჟორიტარი დეპუტატობის კანდიდატების წარდგენა, ხოლო ვინ იქნება სიაში, ამის შესახებ მოგვიანებით გახდება ცნობილი. ქართული ოცნება ძალიან მდიდარია საკადრო რესურსით და ეტაპობრივად, ყველა სიახლეს გავაცნობთ საზოგადოებას", — თქვა ცქიტიშვილმა.

ორშაბათს, 20 ივლისს მმართველი პარტია საარჩევნო კამპანიის გახსნასა და მაჟორიტარი დეპუტატობის კანდიდატების დასახელებას გეგმავს. ჯერჯერობით უცნობია, ვინ იქნება ის 30 ადამიანი, ვინც ქართული ოცნების სახელით მაჟორიტარობისთვის იბრძოლებს.