მუცლის შებერილობა, დიარეა, მეტეორიზმი — ეს ის ნიშნებია, რომლებსაც ნებისმიერი ჩვენგანი ერთხელ მაინც შევუწუხებივართ. ფარმაცევტულ ინდუსტრიაში უამრავი მედიკამენტი ან დამხმარე საშუალებაა შექმნილი მსგავსი პრობლემების მოსაგვარებლად, თუმცა ნებისმიერი მათგანი უძლურია, თუ ეს ნიშნები რძის მიღებასა და ლაქტოზის აუტანლობასთანაა დაკავშირებული. რა არის ლაქტოზა და რატომ ხდება აუტანელი ჩვენი ყოფა თუნდაც ასე უწყინარი რძიანი ყავის მიღებისას? კიდევ უფრო დიდი პრობლემაა ლაქტოზის აუტანლობა ბავშვთა ასაკში, მაშინ როცა ბავშვის ძირითად რაციონს სწორედ რძე და მასზე მომზადებული პროდუქტები შეადგენს.

ლაქტოზა ნებისმიერი ცხოველური რძის ერთ-ერთი შემადგენელი კომპონენტია. ლაქტოზა, იგივე რძის შაქარი, სწორედ ის ნივთიერებაა, რომლისგანაც ბავშვი საჭირო ენერგიის დიდ ნაწილს იღებს. გარდა ამისა, ლაქტოზა კალციუმის, თუთიის, მაგნიუმისა და რკინის შეწოვასა და ორგანიზმისთვის აუცილებელი ნაწლავის მიკროფლორის ჩამოყალიბებაში მონაწილეობს. ლაქტოზის გადამუშავებას ფერმენტი ლაქტაზა უზრუნველყოფს, რომელიც წვრილი ნაწლავის ლორწოვანში სინთეზდება. სწორედ ამ ჯადოსნური ფერმენტის, ლაქტაზის, უკმარისობა ან არარსებობა იწვევს ლაქტოზის, შესაბამისად, რძისა და მისი ნაწარმის, აუტანლობას.

როგორც წესი, ლაქტოზის აუტანლობა ბავშვობის ასაკში ვლინდება. განსაკუთრებით ხშირი ლაქტოზის აუტანლობა დღენაკლულ ბავშვებში გვხვდება. წარმოშობის მიხედვით ის შეიძლება იყოს პირველადი — ეს მსოფლიოში ლაქტაზის დეფიციტის ყველაზე ხშირი ფორმაა. ამ ტიპის დეფიციტი გენეტიკურია და თაობიდან თაობას გადაეცემა. მეორადი ლაქტაზის დეფიციტი მოზრდილ ასაკში ვლინდება და მისი მაპროვოცირებელი შეიძლება იყოს კუჭ-ნაწლავის ანთებითი დაავადებები, ხშირი ანტიბიოტიკოთერაპია ან ქიმიოთერაპია. თუმცა მეორადი ლაქტაზის დეფიციტი, როგორც წესი უმეტესწილად დროებითია და პირველადი დაავადების სიმძიმეს უკავშირდება. ასევე არსებობს მემკვიდრული ლაქტოზის აუტანლობა, რომელიც დაბადების პირველი დღეებიდანვე ვლინდება.

თუ თქვენ ან თქვენს პატარას რძის მიღებიდან ნახევარ სათში აღგენიშნებათ შემდეგი ნიშნები, რომლებიც საკმაოდ მკვეთრია და არასდროს რჩება ყურედღების მიღმა — თქვენ ლაქტოზის აუტანლობა გაწუხებთ:

• ნაწლავური კოლიკა კვების დროს ან კვების შემდეგ (30 წუთში);
• დიარეა ქაფიანი, თხევადი და მჟავესუნიანი განავლოვანი მასებით (დღეში 10-12-ჯერ). 10%-თან პათოლოგია, შესაძლოა, ყაბზობით გამოვლინდეს;
• მუცლის შებერილობა და აირების დაგროვება. როგორც წესი, ამ დროს ბავშვებს კარგი მადა აქვთ, ხარბად წოვენ ძუძუს, მაგრამ კვების დაწყებიდან რამდენიმე წუთში იწყებენ ტირილს, თავს ანებებენ ძუძუს წოვას და ფეხები მუცელთან მიაქვთ;
• ნაწლავთა გაძლიერებული ხმიანობა, ყურყური;
• წამოქაფება;
• მძიმე შემთხვევებში – წონის კლებაც კი...

ყველასთვის ნათელია, რამდენად მნიშვნელოვანი ადგილი უკავია ცხოველურ რძესა და მის პროდუქტებს ბავშვთა კვებაში. მათთვის რძე ან მასზე დამზადებული პროდუქტები თითქმის ყოველდღიურ რაციონს შეადგენს. ექიმთან ვიზიტისა და დიაგნოსტირების შემდეგ ასეთ პაციენტებს, როგორც წესი რძემჟავა პროდუქტების: ყველის, ხაჭოს, მაწვნის, ბიფიდობაქტერიების შემცველი იოგურტების — მიღება ნებადართული აქვთ, მაშინ როცა ხშირ შემთხვევაში საერთოდ უარის თქმა უწევთ ცხოველურ რძეზე და მის მიერ მოტანილ სიკეთეზე.

სწორედ ამ ფაქტორმა განაპირობა რძის წარმოებაში ულაქტოზო რძის გამოჩენა. ინოვაციური მეთოდის და პარმალატის ულაქტოზო რძის წყალობით შეგვიძლია ლაქტოზის აუტანლობასთან დაკავშირებული ყველა პრობლემა ერთდროულად მოვხსნათ და ამავდროულად ვისარგებლოთ ცხოველური რძის ყველა კვებითი ღირებულებით.

პარმალატის ინოვაციური ტექნოლოგიის წყალობით, ლაქტოზას მოლეკულები მარტივად შეწოვად საქარიდებად იშლება, თუმცა რძე მის კვებით ღირებულებას ინარჩუნებს — იგი მდიდარია ცილებით, კალციუმით, ვიტამინებითა და ყველა იმ აქტიური ნივთიერებებით, რომელთა მიღებაზეც ჩვენი და ჩვენი პატარას ჯანმრთელობაა დამოკიდებული.