პარტია "რეფორმერის" საარჩევნო კამპანია ხუთშაბათის ვლოგებში.

წინასაარჩევნო პროცესი ატქიურად დაიწყო. ახალი პოლიტიკური პარტია რეფორმერი საზოგადოებას განსხვავებულ კამპანიას სთავაზობს — ყოველ ხუთშაბათს რეფორმერის სოციალური ქსელის გვერდზე ვლოგები განთავსდება, სადაც პარტიის წევრების საქმიანობა და სამუშაო რეჟიმი, მოლაპარაკებები, შეხვედრები, ინტერვიუები და პირადი განცდები იქნება ნაჩვენები, ანუ ყველაფერს, რასაც სხვა პოლიტიკური პარტიები კადრს მიღმა ტოვებენ, რეფორმერმერი დაუფარავად აჩვენებსს. რადიკალური გამჭვირვალეობა და ღიაობა რეფორმერის კამპანიის ფორმატია. ეს პარტიის საარჩევნო კამპანიის განსხვავებულობის ერთ-ერთი მთავარი პრინციპია.

პოლიტიკური პარტია რეფორმერის თავმჯდომარე თორნიკე ჯანაშვილი შემდეგ კომენტარს აკეთებს:

"ჩვენი მიზანია პროცესები გავხადოთ გამჭვირვალე. მოსახლეობამ ნახოს ყველაფერი სოციალურ ქსელში, გახდეს ამ პროცესების მონაწილე და გაუჩნდეს სურვილი ჩაერთოს პოლიტიკაში. საქართველოში, ადამიანები იმდენად დაიღალნენ პოლიტიკით, ფიქრობენ, რომ პოლიტიკა არ არის მათი საქმე, ჩვენ გვინდა ზუსტად ამ მიდგომის შეცვლა, ამიტომ გადავწყვიტეთ, რეალურად ვაჩვენოთ ადამიანებს, რას ვაკეთებთ. ჩვენ გვაქვს სურვილი და ნება, ვუშველოთ ჩვენს ქვეყნას, იგივე სურვილი აქვს ქართველ ხალხს, ამ ნებას წინ ვერავინ აღუდგება".

"გვინდა ვლოგებით ვაჩვენოთ პროცესები, რასაც ჩვენ გავივლით საზოგადოებასთან ერთად. ისინი სოციალურ ქსელში გაგვიცნობენ და გაუჩნდებათ სურვილი, აკეთონ საქმე; ჩვენთან ერთად დაარღვიონ ის სტერეოტიპი, რომ პოლიტიკა ბინძური საქმეა, რეალურად პოლიტიკა სუფთაა, როცა მას სუფთა ადამიანები აკეთებენ" - ამბობს რეფორმერის თავმჯდომარე თორნიკე ჯანაშვილი.