ქართული ოცნების მაჟორიტარი დეპუტატი, ნინო წილოსანი ამბობს, რომ თუ პარტია გადაწყვეტს, მაჟორიტარობისთვის მზადაა.

"არაერთხელ განმიცხადებია და ახლაც მინდა გითხრათ, რომ, რა თქმა უნდა, მზად ვარ პარტიის მხრიდან მსგავსი გადაწყვეტილების შემთხვევაში ვიყო მაჟორიტარი დეპუტატი. ჩემთვის ძალიან მნიშვნელოვანია იმ რეგიონთან და ადამიანებთან ბმა, რომელთანაც 2016 წლიდან ვარ დაკავშირებული", — განაცხადა წილოსანმა.

2020 წლის საპარლამენტო არჩევნები ოქტომბერშია დაგეგმილი. წელს არჩევნები ახალი 120/30-ზე სისტემით უნდა ჩატარდეს. გუშინ ქართულმა ოცნებამ საარჩევნო შტაბის ხელმძღვანელად ირაკლი კობახიძე დაასახელა.