რუსეთის სამართალდამცავმა ორგანოებმა LGBTQ აქტივისტისა და მხატვრის, იულია ცვეტკოვას, წინააღმდეგ მორიგი ადმინისტრაციული საქმე აღძრა "არასრულწლოვნებში არატრადიციული სექსუალური ურთიერთობების პროპაგანდისთვის".

სოციალურ ქსელში განთავსებული ნახატების გამო ცვეტკოვას წინააღმდეგ უკვე აღძრულია ერთი სასამართლო საქმე რუსეთის ე.წ. გეი პროპაგანდის კანონის დარღვევისთვის, რომლის მიხედვითაც მხატვარს პორნოგრაფიის გავრცელების გამო 6-წლიანი პატიმრობა ემუქრება. ამ ბრალდებას ცოტა ხნის წინ Instagram-ზე ფოტოპროტესტი მოჰყვა, რომლის ფარგლებშიც ფემინისტი და LGBTQ აქტივისტები პოსტავენ სექსუალიზებისგან დაცლილ თავიანთ შიშველ ფოტოებს ცვეტკოვას საქმის ცნობადობის გასაზრდელად.

7 ივლისს ცვეტკოვამ Facebook-ზე დაწერა, რომ ახალი საქმე აღიძრა იმ მასალების გამო, რომლებიც მან გამოაქვეყნა "კი, ავირჩევ" (#ДаВыберу) კამპანიის ფარგლებში. კამპანია LGBTQ ოჯახების მხარდაჭერას ისახავდა მიზნად მას შემდეგ, რაც გავრცელდა რუსეთის ბოლოდროინდელი საკონსტიტუციო პლებისციტის ჰომოფობიური პოლიტიკური რეკლამა (მოგვიანებით YouTube-ის მოდერატორებმა წაშალეს ეს ვიდეო). ცვეტკოვამ ივნისის დასაწყისში სოციალურ ქსელში გამოაქვეყნა LGBTQ ადამიანების ნახატები, რომლებშიც ისინი შვილებს ზრდიდნენ, ჰეშთეგით #ДаВыберу.

ეს ცვეტკოვას წინააღმდეგ რუსეთის "გეი პროპაგანდის კანონის" მიხედვით აღძრული მესამე ადმინისტრაციული საქმეა. 2019 წლის დეკემბერში ის დააჯარიმეს 50 000 რუბლით (დაახლოებით $728) VKontakte-ზე წარმოებული ე.წ. გეი პროპაგანდის გამო. მეორე ადმინისტრაციული საქმე აღიძრა ივნისის დასაწყისში იმ ნახატის გამო, რომელსაც ეწერა ფრაზა "ოჯახი იქაა, სადაც სიყვარულია. მხარი დაუჭირეთ LGBT+ ოჯახებს!"

"ოჯახი იქაა, სადაც სიყვარულია. მხარი დაუჭირეთ LGBT+ ოჯახებს!"

ფოტო: Yulia Tsvetkova

ამავე თემაზე: