2016 წელი დასასრულს უახლოვდება და ნელ-ნელა შეგვიძლია გასული თვეების შეჯამებაც დავიწყოთ. ამჯერად გთავაზობთ იმ ყველაზე პოპულარული ვიდეოების სიას, რომლებმაც წელს Youtube-ზე ყველა რეკორდი მოხსნეს.

10. ზომბი აპოკალიფსი

როგორ უნდა მოიქცე, თუკი შენი და სიბრძნის კბილს ამოიღებს და მედიკამენტებით გაბრუვდება? შეგიძლია დააჯერო, რომ ზომბი აპოკალიფსი დაიწყო, გადაიღო ვიდეო, ატვირთო youtube-ზე და წლის ბოლოს 21,874,549 ნახვაც დაგიგროვდება.

9. ფრენა პირველი კლასით

რას ნიშნავს, როცა $21 ათასად შეფასებული პირველი კლასის ბილეთით მგზავრობ? ალბათ ამას ვერასდროს გავიგებდით, რომ არა ეს არაჩვეულებრივი ვიდეო.

8. ჯონ ოლივერი და დონალდ ტრამპი

ჯონ ოლივერის Last Week Tonight-მა დონალდ ტრამპის წყალობით საპატიო მერვე ადგილი დაიკავა. უყურეთ ვიდეოს და გაიგეთ ყველაფერი ტრამპზე და მის ამომრჩევლებზე.

7. ჩენინგ ტატუმი ბიონსედ იქცა

მგონი, ამ ვიდეოს აღწერაც არ სჭირდება. ჩენინგ ტატუმი და ბიონსე - ეს ორი სახელი სათაურში წარმატების რეცეპტია.

6. ბოთლების ტრიალი

Water bottle flipping 2016 წლის გამოწვევაა. მისი შინაარსი ასეთია: პლასტიკური წყლის ბოთლი, რომელიც მთლიანად ან ნაწილობრივ სავსეა, ისე უნდა ისროლოთ, რომ მიწაზე მყარად დადგეს. ამ გამოწვევამ მეექვსე ადგილი დაიკავა ყველაზე პოპულარულ ვიდეოებს შორის.

5. პატარა მომღერალი

ამერიკული ნიჭიერის ნამდვილმა აღმოჩენამ, 12 წლის გრეის ვან დერ ვაალმა 46 474 745 ნახვა დააგროვა.

4. ნაიკის შორტი რონალდუს მონაწილეობით

ნაიკის ამ რეკლამაში კრიშტიანუ რონალდუ და რიგითი ფებურთის მოყვარული ბიჭი სხეულებს ცვლიან. რონალდუს, რომელიც მსოფლიოს ერთ-ერთი ყველაზე ტიტულოვანი ფეხბურთელია, ყველაფრის თვიდან დაწყება უწევს, თუმცა ერთ მომენტს ყველაფრის შეცვლა შეუძლია. სწორედ ეს არის ამ სარეკლამო კამპანიის მთავარი სლოგანიც.

3. რა არის ჩხრიალა გველის საჩხრიალოში?

მესამე ადგილზე გავიდა ვიდეო, სადაც მამა-შვილი ჩხრიალა გველის კუდს შუაზე ჭრის და დიდ საიდუმლოს ხდის ფარდას.

2. ახალი განგამ სტაილი?

ამ ვიდეოს 95 354 365 ნახვაში თქვენც შეიძლება გქონდეთ წვლილი შეტანილი. არავინ იცის რატომ, მაგრამ Pen-Pineapple-Apple-Pen საპატიო მეორე ადგილზე გავიდა.

1. ადელის და ჯეიმს კორდენის კარაოკე

ადელს წელს წარმატებული წელი ჰქონდა და სიის სათავეშიც მოექცა. ვნახოთ, ასეთივე იღბლიანი იქნება თუ არა მომღერალი გრემიზე.