დაავადებათა კონტროლის ცენტრის ხელმძღვანელის, ამირან გამყრელიძის განცხადებით, 12 ივლისს დადასტურებული კორონავირუსის ახალი შემთხვევებიდან, ყველა იმპორტირებულია. მისი თქმით, 5-ივე ახალი შემთხვევა საკარანტინო ზონიდანაა.

"ახალი შემთხვევები გვაქვს ყოველდღიურად, რომელიც ორნიშნა რიცხვს არ აღწევს. ბოლო თვენახევრის განმავლობაში ძირითადი წყაროა სატვირთო ავტომობილების მძღოლები. მათი ტესტირების სპეციალური ალგორითმი მუშაობს. ერთის თვის განმავლობაში 50-ზე მეტი სატვირთოს მძღოლია იდენტიფიცირებული და დიაგნოსტირებული, დანარჩენი უმრავლესი შემთხვევა იყო იმპორტირებული", — განაცხადა გამყრელიძემ რუსთავი 2-თან.

საქართველოში კორონავირუსის კიდევ 5 შემთხვევა დადასტურდა, ხოლო 6 ადამიანი გამოჯანმრთელდა. ინფორმაცია StopCov-ზე განახლდა.

ამ დროისთვის, საქართველოში კორონავირუსი სულ დაუდასტურდა 986 ადამიანს, მათ შორის გამოჯანმრთელებულია 857, ხოლო გარდაცვლილია — 15. კარანტინის რეჟიმში 5 001 პირი იმყოფება, ხოლო სტაციონარში მეთვალყურეობის ქვეშ — 219.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: