ლინკონლის, ჰერთფორშირისა და ლანკასტერის უნივერსიტეტის მეცნიერებმა კვლევის შედეგად დაადგინეს, რომ ანდროიდის მფლობელები უფრო სანდო და გულწრფელი ადამიანები არიან, ვიდრე iPhone-ის მფლობელები.

კვლევის ხუთასმა მონაწილემ რამდენიმე შეკითხვას უპასუხა, რის შედეგადაც დადგინდა, რომ iPhone-ის მომხმარებლები თავიანთ ტელეფონს სოციალური სტატუსის განმსაზღვრელ ნივთად აღიქვამენ და საჭიროების შემთხვევაში პირადი სარგებლის გამო არაკეთილსინდისიერ ქმედებაზეც არიან წამსვლელები.

ანდროიდის მომხმარებლები თავიანთ სმარტფონებს ამხელა მნიშვნელობას არ ანიჭებენ და ზოგადადაც, უფრო გულწრფელები და სანდოები არიან.

კვლევის შედეგების მიხედვით, მეცნიერებმა პროგრამა შექმნეს, რომელიც რამდენიმე კითხვაზე მიღებული პასუხის მიხედვით ცდილობს, გამოიცნოს რომელ ტელეფონს ფლობთ. პროგრამამ 70-პროცენტიანი წარმატებით დაადგინა, ვის ჰქონდა iPhone და ვის - ანდროიდი.