მილიარდერი ლეონიდ ჩერნოვეცკი, რომელმაც რამდენიმე თვის წინ პოლიტიკური გაერთიანება ბედნიერი საქართველოსთვის დააფუძნა, პოლიტიკურ მოღვაწეობას თავს ანებებს. ამის შესახებ ჩერნოვეცკის ფონდის პრეზიდენტმა გიორგი ქვრივიშვილმა განუცხადა ნეტგაზეთსა და საზოგადოებრივი მაუწყებლის აჭარის ტელევიზიას.

ქვრივიშვილის თქმით, მათ უკვე მიმართეს აუდიტის სამსახურს, რომ კიევის ყოფილი მერი პოლიტიკური ფიგურა აღარ იყოს.

აჭარის ტელევიზიის ეთერში სატელეფონო ჩართვისას ქვრივიშვილმა თქვა: "ის პოლიტიკური ფიგურა არ იქნება, ეს არის რისი თქმაც შემიძლია".

ჯერჯერობით, ჩერნოვეცკის ოფიციალური განცხადება პოლიტიკური საქმიანობის შეწყვეტისა და თავისი გადაწყვეტილების მიზეზის შესახებ არ გაუვრცელებია. On.ge ცდილობს ინფორმაციის სხვა წყაროებთან გადამოწმებასა და იმ მიზეზის გარკვევას, რის გამოც ჩერნოვეცკიმ აღნიშნული გადაწყვეტილება მიიღო.