გამოცდების ეროვნული ცენტრის ხელმძღვანელი, სოფო გორგოძე ამბობს, რომ 2 აბიტურიენტს, რომელიც სიცხის გამო მოიხსნა, PCR ტესტირებით კოვიდინფექცია არ დაუდასტურდათ. გორგოძის თქმითვე, შეეცდებიან ისინი საგამოცდო პროცესში ჩართონ.

რაც შეეხება, დღევანდელ სესიას, აბიტურიენტების 95 პროცენტის გამოცხადდა და გამოცდიდან არავინ მოხსნილა.

"2 აბიტურიენტს, რომელიც არ დაიშვა გამოცდაზე, ჩაუტარდა PCR ტესტირება. საბედნიეროდ, მათ არ აღმოაჩნდათ კოვიდინფექცია. ჩვენ სამინისტროსთან ერთად ყველაფერს გავაკეთებთ იმისთვის, რომ ეს აბიტურიენტები ჩავრთოთ საგამოცდო პროცესში", — განაცხადა გორგოძემ.

ერთიანი ერვნული გამოცდები გუშინ, 6 ივლისს დაიწყო. ოკუპირებულ ტერიტორიაზე მცხოვრები აბიტურიენტები ქვეყნის უმაღლეს სასაწავლებლებში ერთიანი ეროვნული და საერთო სამაგისტრო გამოცდების გარეშე ჩაირიცხებიან და სწავლის საფასური სასწავლო გრანტის მაქსიმალური ოდენობით სრულად დაუფინანსდებათ. მთავრობის გადაწყვეტილებით, იგივე პირობებით ისარგებლებენ აზერბაიჯანის ტერიტორიაზე მცხოვრები ქართველი აბიტურიენტები.

ამავე თემაზე: