პარლამენტის დამოუკიდებელი დეპუტატი, ეკა ბესელია არჩევნებზე ბიულეტენების გადათვლის ეფექტიანი მექანიზმის ინიციატივით გამოდის, რაც, მისი თქმით, არჩევნების შედეგების შესაძლო გაყალბებას დააზღვევს.

მისივე განმარტებით, ინიციატივის თანახმად, ყოველ საარჩევნო ოლქში სავადებულო წესით, მაგრამ შემთხვევითი შერჩევის პრინციპით მოცემული ხმები და არჩევნებში მონაწილეთა რაოდენობა გადაითვლება.

"მაგალითად, წილისყრით იქნება შერჩეული ერთი საარჩევნო უბანი, თუ ოლქში არ არის არცერთი საჩივარი, არცერთი განცხადება, რომ შედეგები იყოს გადათვლილი. ხოლო იმ საარჩევნო უბნებში, სადაც გადათვლის მოთხოვნით ან საჩივრით მიმართავენ უფლებამოსილი პირები და სამზე მეტ უბანს შეეხება, საოლქო საარჩევნო კომისია წილისყრით, ანუ შემთხვევითი შერჩევის პრინციპით შეარჩევს შესამოწმებელ სამ საარჩევნო უბანს და გადაითვლის თავიდან", — განაცხადა ბესელიამ.

როგორც ბესელია ამბობს, კანონპროექტუს ავტორი კონსტიტუციონალისტი ვახტანგ ხმალაძეა. მისივე თქმით, აღნიშნულ კანონპროექტს მიმდინარე კვირაში დაარეგისტრირებს და პარლამენტისგან ითხოვს, რომ ის მისი ინიციატივა 13 ივლისს პარლამენტის რიგგარეშე სხდომაზე დაჩქარებული წესით განიხილონ.

ბესელიას თქმით, აღნიშნულ კანონპროექტს თითქმის ყველა ოპოზიციური პარტია მხარს უჭერს.

2020 წლის საპარლამენტო არჩევნების ოქტომბერშია დაგეგმილი. არჩევნები წელს ახალი, 120/30 სისტემით უნდა ჩატარდეს, რაც იმას ნიშნავს, რომ ახალი მოწვევის პარლემნტში 120 დეპუტატი, პროპორციული სიით შევა, 30 კი მაჟორიტარულით.