რეჟისორი მაიკლ ბეი ტრანსფორმერების შესახებ კიდევ ერთ ფილმს გვთავაზობს. მისი თქმით, ეს ფილმი ფრენჩაიზის რბილი გადატვირთვაა და შესაბამისად მომდევნო სერიებსაც უნდა ველოდოთ.

ავტობოტების ბოლო საგა იმით დამთავრდა, რომ ოპტიმუს პრაიმი საიბერტონზე, თავის პლანეტაზე მისიის შესასრულებლად წავიდა. ამ ტრეილერში კი ჩანს, რომ ის კვლავ გამოჩნდება დედამიწაზე.

როგორც ფილმის შემქმნელები ამბობენ, ახალი ტრანსფორმერები ორი ამბისგან შედგება და სიუჟეტი ორ სხვადასხვა დროით განზომილებაში ვითარდება. ტრეილერის დასაწყისში შუა საუკუნეები და მეტალის დრაკონი ჩანს. შესაბამისად, შეგვიძლია ვივარაუდოთ, რომ საიბერტონის ბინადრებს, მარკ ვოლბერგთან ერთად, დედამიწელი რაინდებიც შეებრძოლებიან.