როგორც ცნობილი გახდა, სტუდია Sony Pictures სულ მალე ბარბის შესახებ სრულმეტრაჟიან ფილმს გადაიღებს. ყველაზე მნიშვნელოვანი ამ ამბავში კი ის არის, რომ მთავარ, ანუ ბარბის როლს მსახიობი ემი შუმერი შეასრულებს.

ფოტო: Celebzz

ერთი შეხედვით შეიძლება იფიქროთ, რომ ბარბის და ემის ერთმანეთთან არაფერი აკავშირებთ, მაგრამ ცდებით: სწორედ ეს არის ფილმის მთავარი მოულოდნელობა. წარმოიდგინეთ ბარბის იდეალური სამყარო, სადაც ყველა გოგონა სილამაზის აღიარებულ სტანდარტში ჯდება, ბიჭებს კი არაჩვეულებრივი სხეული აქვთ, ამ დროს კი ემი შუმერის პერსონაჟი აღმოაჩენს, რომ მიუხედავად იმისა, რომ ბარბია, საერთოდ ვერ აკმაყოფილებს მის მიმართ წაყენებულ მოთხოვნებს. სწორედ აქ იწყება მთავარი ბრძოლა სტერეოტიპების წინააღმდეგ.

ფილმს ჯერ არ ჰყავს რეჟისორი და უცნობია ისიც, თუ როდის გამოვა პროექტი ეკრანზე.