ფრაქცია ქართული ოცნების თავმჯდომარის, მამუკა მდინარაძის თქმით, უმრავლესობაში "არ ყოფილა განსხვავებული აზრი" ქალთა კვოტირებაზე. ისინი, ასევე სრულად უჭერენ მხარს საარჩევნო კოდექსში შესატან ცვლილებებს, რომელიც ირაკლი კობახიძემ კომიტეტზე წარადგინა. ამის შესახებ მდინარაძემ მთავარ ოფისში, უმრავლესობის სხდომის დასრულების შემდეგ ჟურნალისტებთან ისაუბრა. სხდომას არ ესწრებოდა პარტიის თავმჯდომარე, ბიძინა ივანიშვილი.

"უმრავლესობა შეთანხმდა, რომ ისინი მხარს უჭერენ ეუთო/ოდირის რეკომენდაციების შესრულებას, იმ რეკომენდაციების, რომელიც დღეს ირაკლი კობახიძემ კომიტეტზე გამოიტანა. მათ შორის, ძალიან გასახარია, რომ უმრავლესობაში არ ყოფილა განსხვავებული მოსაზრება ქალთა კვოტირებაზე.

საქართველოს პარლამენტში მოხვედრის მსურველი პარტია ვალდებული იქნება ყოველი მე-4 განსხვავებული სქესის ადამიანი ჰყავდეს შეყვანილი სიაში ადგილობრივი თვითმმართველობების დონეზე".

2018 წელს საქართველოს პარლამენტმა, პირველი მოსმენით, გენდერული კვოტების შესახებ კანონპროექტს მხარი არ დაუჭირა. მაშინ საპარლამენტო უმრავლესობაში ის დეპუტატები იყვნენ, ვინც დღეს არის.

კვოტირების მოწინააღმდეგე დეპუტატებს შორის იყვნენ ქართული ოცნების დეპუტატები რევაზ არველაძე; გიორგი ვოლსკი; ედიშერ თოლორაია; კარლო კოპალიანი; გიორგი კოპაძე; სამველ მანუკიანი; კობა ნაკაიძე; კახაბერ ოქრიაშვილი; ზაზა პაპუაშვილი; ალექსანდრე ქანთარია; შოთა შალელაშვილი.

ამავე თემაზე: