უწყებათაშორისი საკოორდინაციო საბჭოს გადაწყვეტილებით, 6 ივლისიდან ბოლნისის სოფელ მუშევანში მკაცრი საკარანტინო შეზღუდვები მოიხსნება. აღნიშნული გადაწყვეტილება უწყებათაშორისმა საკოორდინაციო საბჭომ დღევანდელ სხდომაზე მიიღო.

მთავრობის ადმინისტრაციის ცნობით, უწყებათაშორისი საკოორდინაციო საბჭო განაგრძობს არსებულ ეპიდემიოლოგიურ ტენდენციებზე დაკვირვებას და გადაწყვეტილებებს სხვადასხვა საქმიანობების გახსნასთან დაკავშირებით ეტაპობრივად მიიღებს.