ადამიანის უფლებების დაცვისა და სამოქალაქო ინტეგრაციის საპარლამენტო კომიტეტის თავმჯდომარე არ ფიქრობს, რომ მარიხუანა ლეგალიზებული უნდა იყოს. მისი თქმით, ლეგალიზაცია უკუშედეგებამდე მიგვიყვანს საქართველოში:

"ლეგალიზაციაზე საუბარი ნამდვილად არ არის, ამას სრული პასუხისმგებლობით ვაცხადებ...მე არ ვფიქრობ, რომ ლეგალიზებული უნდა იყოს. ლეგალიზაცია ძალიან უკუშედეგებამდე მიგვიყვანს საქართველოში."

კილაძე ამბობს, რომ დიდი ხანია ნარკოტიკების თემასთან დაკავშირებით მუშაობს, საკმაოდ დიდი გამოცდილება აქვს ამ კუთხით და კარგად აქვს ეს საკითხი შესწავლილი:

"კომპლექსური თემა არის და ბევრი გარემოების გათვალისწინება გვიხდება. პირველ რიგში, გასათვალისწინებელია ქვეყნის ვითარება, რადგან მზა რეცეპტი რომელიმე ქვეყნის, რომელიც იტყვის, რომ აი, თუ ჩვენ ამას გავაკეთებთ, საქართველოში არ გვექნება ნარკომანიასთან დაკავშირებული პრობლემა, ასეთი არ არსებობს. ჩვენ უნდა გავუწიოთ ანგარიში ჩვენი ქვეყნის ინტერესს...მარიხუანაც იწვევს დამოკიდებულებას. მე არ გახლავართ ექიმი, ან რაიმე სამედიცინო სფეროს წარმომადგენელი, მაგრამ, ყოველ შემთხვევაში, რაც წამიკითხავს და რაც გამიგონია, ვიცი, რომ გარკვეული ეტაპების შემდეგ იწვევს დამოკიდებულებას."

ნარკოპოლიტიკასა და სხვა საკითხებზე სოფო კილაძის მოსაზრებები სრულად წაიკითხეთ On.ge-ს ინტერვიუში.