ინფექციური საავადმყოფოს სამედიცინო დირექტორის, მარინა ეზუგბაიას თქმით, გუშინ 23 ივნისს ყარაჯალადან გადმოყვანილი პაციენტის მდგომარეობა საშუალოზე მძიმეა. ექიმის თქმით, მისი ინფიცირების პირველწყარო კვლავ არაა დადგენილი.

"გუშინ მოთავსებული პაციენტის მდგომარეობა პროგნოზურად ჯერ-ჯერობით სერიოზულია, იმ თვალსაზრისით, რომ მას აქვს მძიმე პნევმონია და დაავადების პროგრესირება მიმდინარეობს, შემოსვლიდან დღის განმავლობაში კვლავ გრძელდება პროგრესირება, არსებული კვლევებით მონაცემები ადასტურებს, რომ სიტუაცია საშუალოზე მძიმეა", –– თქვა მარინა ეზუგბაიამ.

ექიმმა აღნიშნა, რომ წყაროების კვლევა ისევ გრძელდება.

ბოლო მონაცემებით, სულ ქვეყანაში COVID-19-ის 914 შემთხვევა გამოვლინდა, მათ შორის 771 გამოჯანმრთელდა, ხოლო 14 გარდაიცვალა.კარანტინის რეჟიმში 2 744 პირი რჩება, სტაციონარში მეთვალყურეობის ქვეშ — 258.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: