დღეს, 22 ივნისს, ჭიათურაში ლელო საქართველოსთვის რაიონული ორგანიზაცია გაიხსნა, რომელსაც სათავეში დავით ჭუმბურიძე ჩაუდგა.

ჭიათურაში იმყოფებოდნენ “ლელოს" რაიონული ორგანიზაციის ხელმძღვანელები, ლიდერები და წევრები, რომლებიც ადგილობრივ მოსახლეობას შეხვდნენ, ისაუბრეს პრობლემურ საკითხებზე და მათ მოგვარების გზებზე. ლელოს ლიდერებმა
ადგილობრივებს პარტიის სამომავლო გეგმებიც გაანდეს და მომავალში რეგიონის როლზე გაამახვილეს ყურადღება.

თემაზე ლელოს რამდენიმე ლიდერმა გააკეთა კომენტარი"

მამუკა ხაზარაძე: "ჭიათურა არასწორი ბიზნესპოლიტიკის მსხვერპლია. ის, რაც რეგიონში ხდება, უნდა დასრულდეს. მოსახლეობისთვის პერსპექტივის წართმევა და ღირსების აყრა არის დანაშაული, რომელსაც სათავეში მძარცველური ბიზნესი უდგას. ეს არის ქალაქის ძარცვა და ამას არ შევეგუებით, რასაც ოქტომბერში დიდი გამარჯვებით შევცვლით. ეს ქვეყანა სხვანაირი ცხოვრების ღირსია. ქვეყანა, რომელსაც უდიდესი პოტენციალი აქვს, ასე არ უნდა პარტახდებოდეს".

დავით ჭუმბურიძე: "მილიონები გაედინება რეგიონისკენ და მხოლოდ ერთეულები იღებენ სარგებელს. მოსახლეობა კი უკიდურეს სიღარიბეში ცხოვრობს. წლებია, დამოუკიდებლად ვიბრძვი ჩემი ქალაქის უკეთესი მომავლისთვის. მოხარული ვარ, რომ ამ ბრძოლას დღეს ლელოსთან ერთად გავაგრძელებ".

ბადრი ჯაფარიძე: "ეს არის დღე, როდესაც უნდა დავიწყოთ ცვლილებები ამ ქვეყანაში. ის, რასაც ჩვენ ვამბობთ, არ არის მხოლოდ საარჩევნო დაპირება. საჭიროა, სტანდარტი დავამკვიდროთ ქვეყანაში, რომელიც მხოლოდ ერთი კაცის იმედზე დარჩენას კი არა, საერთო ძალებით ცვლილებებს გულისხმობს".

ანა ნაცვლიშვილი: "ჩვენ არ გვაქვს სახელმწიფო, რომელიც საკუთარ მოქალაქეებს დაიცავს სიკვდილისგან, ჩაგვრისგან, დაცინვისა და მოტყუებისგან. სახელმწიფო არის დაცული ადამიანი, რომელსაც უნდა საკუთარი ქვეყნის მშნებლობაში მიიღოს მონაწიოლეობა. ლელო დაუღალავად შრომობს იმისთვის, რომ ჭიათურამ და მთელმა საქართველომ გაიგოს გამარჯვების ფასი. ჩვენ შევქმნით სახელმწიფოს, რომელიც თითოეული თქვენგანის იქნება, ერთი მაღაროელი რომ მარცხდება, ერთი მეშახტე რომ ვეღარ ბრუნდება სახლში ამ დროს ფეხზე უნდა დადგეს ქვეყანა, სახელმწიფო და საზოგადოება. ჩვენ ამ მიდგომას დავამკვიდრებთ".

ირაკლი კუპრაძე: “თითოეული დაღუპული მაღაროელი არის ჩვენი ტკივილი. ამ ადამიანებს გვართმევდა ეს სისტემა და დღემდე ვერ ვიპოვეთ სამართალი. დღეს უნდა გადავდოთ გათითოკაცება და ერთიანობაზე დავიწყოთ საუბარი. ეს ერთიანობა კი ლელო საქართველოსთვისაა.

გიგლა მიქაუტაძე: "ჭიათურის ბიუჯეტის დიდი ნაწილი იხარჯება არა მოსახლეობაზე, არამედ ჩინოვნიკებზე, რომლებიც არაფერს არ აკეთებენ რეგიონისთვის. 20 მლნ. ლარიდან მხოლოდ 2 მლნ. იხარჯება სოციალურ პროექტებზე. ეს არის ყაჩაღობა და ამ ყაჩაღობას ლელო დაასრულებს".

თაზო დათუნაშვილი: "2020 წლის არჩევნებში უნდა გაიმარჯოს ძალამ, რომელიც ძირეულად შეცვლის გაჩერებულ ქვეყანას და გავაჩენთ ახალ იმედს. თითოეული ქართველი იმსახურებს ნათელ მომავალს და ამ საქმეს ვერ გადავდებთ. მოვიპოვეთ დამოუკიდებლობა, თუმცა ვერ ვაშენებთ მდიდარ ქვეყანას, რადგან მაფიოზური კლანები ანაცვლებენ ერთმანეთს. ეს მმართველობა დასრულდება ოქტომბერში".