სტატისტიკის ეროვნული სამსახურის მონაცემებით, 2016 წლის ნოემბერში საქართველოში ინფლაციის დონემ წინა თვესთან შედარებით 0,6 პროცენტი, ხოლო წინა წლის შესაბამის თვესთან შედარებით 0,2 პროცენტი შეადგინა.

ამასთან, 2010 წლის საშუალოსთან შედარებით სამომხმარებლო ფასების ინდექსი 17,8 პროცენტით გაიზარდა.

საქსტატის მიერ გამოკვლეული სამომხმარებლო კალათაში შემავალი საქონლისა და მომსახურების ჯგუფების ფასების პროცენტული ცვლილება, წინა თვესთან შედარებით, შემდეგია:

ფოტო: საქსტატი

საქსტატის განმარტებით, სურსათსა და უალკოჰოლო სასმელებზე წინა თვესთან შედარებით, ფასები გაიზარდა 0,7 პროცენტით, რაც ინფლაციის მთლიან მაჩვენებელზე 0,22 პროცენტული პუნქტით აისახა.

საქსტატის მიერ მიღებული მონაცემებით, ფასები 8,7 პროცენტით გაიზარდა, ბოსტნეულისა და ბაღჩეულზე, ასევე, რძის, ყველისა და კვერცხის, ქვეჯგუფებზე 3 პროცენტით. საქსტატის ინფორმაციით, ფასები შემცირდა ხილსა და ყურძენზე, -5,3 პროცენტით.

ტრანსპორტის ჯგუფში ფასები გაიზარდა 1,8 პროცენტით, შესაბამისად, ჯგუფის წვლილმა ინფლაციის მთლიან მაჩვენებელში 0,22 პროცენტული პუნქტი შეადგინა.

ფასების 4 პროცენტიანი მატება დაფიქსირდა სატრანსპორტო საშუალებების შეძენაზე, პირადი სატრანსპორტო საშუალებების ექსპლუატაციაზე - 2,0 პროცენტიანი და სატრანსპორტო მომსახურებაზე -1,2 პროცენტი.