საქართველო რუსეთის საზღვრის დაღესტნის მონაკვეთზე, 13 ივნისს რუსმა მესაზღვრეებმა საქართველოს მოქალაქე, სავარაუდოდ, საზღვრის კვეთის ბრალდებით დააკავეს. გავრცელებული ინფორმაციით, კაცი ტერიტორიაზე საქონელს მწყემსავდა.

შინაგან საქმეთა სამინისტროს კომენტარის მიხედვით, ლაგოდეხის სამმართველოს ფაქტის შესახებ მეორე მწყემსმა აცნობა.

"მომხდარ ფაქტთან დაკავშირებით მოხდა მყისიერი რეაგირება, მათ შორის ინციდენტის დეტალების დასადგენად. პროცესში ჩართულია საქართველოს საგარეო საქმეთა სამინისტრო და შვეიცარიის საელჩოს საქართველოს ინტერესების სექცია", — ამბობენ უწყებაში.

სამინისტროს განცხადებით, მწყემსის გადმოცემასთან დაკავშირებით აქტიური მოლაპარაკებები მიმდინარეობს.