პარლამენტის თავმჯდომარისა და ქართული ოცნების პოლიტსაბჭოს წევრის, არჩილ თალაკვაძის განცხადებით, პრემიერმინისტრი გიორგი გახარია იმსახურებს, რომ პარტიის პირველი ნომერი იყოს. თალაკვაძის განმარტებით, ეს მისი პირადი აზრია და პარტია გადაწყვეტილებას ივლის-აგვისტოში მიიღებს.

რუსთავი 2-ის წამყვანის კითხვაზე, რა აძლევს ამის თქმის საფუძველს 20 ივნისის მოვლენებიდან ერთი წლის თავზე, თალაკვაძე ასე პასუხობს:

"ჩვენი ქვეყნისთვის ძალიან რთულ მომენტში, როცა გამოწვევის წინაშე იდგა ქვეყანა, ეს არის Covid-19, ეს არის პანდემია, მან უზრუნველყო პროცესების ეფექტური მართვა, ყველა სტრუქტურის ჩართულობა, კოორდინაცია".

ხოლო დამაზუსტებელ კითხვაზე, რას ფიქრობს ის გახარიაზე, როგორც შინაგან საქმეთა მინისტრზე 20 ივნისის ღამეს, თალაკვაძემ განაცხადა:

"ეს შეკითხვა რამდენჯერაც არ უნდა გამიმეოროთ, მე მექნება ერთი და იგივე პასუხი. სავარუადოდ, წლების შემდეგაც მექნება იგივე პასუხი, რომ როდესაც მზადდებოდა შეტევა კონსტიტუციურ ინსტიტუტზე, სახეზე იყო ძალადობა პოლიციელებზე, პოლიციამ და შს სამინისტრომ იმოქმედეს ადეკვატურად. შს მინსიტრი გახდათ მაშინ, შესაბამისად, მინისტრმა და სამინისტრომ იმოქმედეს იმ ფარგლებში, რომ შეესრულებინათ ვალდებულება".