18 ივნისს, აჭარაბეთისა და სტარტაპ გრაინდის პირველი ერთობლივი ღონისძიება - aTech Restart ციფრული ტექ-ფესტივალი, თემაზე - ტექნოლოგიური ადაპტაცია ახალ რეალობასთან, ოფიციალურად გაიხსნა. ფესტივალში ჩართვა შეუძლიათ როგორც ჰაკათონის მონაწილეებს, ასევე, სპიკერების მოხსენებებით დაინტერესებულ მსმენელებს.

პირველ დღეს, დამსწრეების წინაშე ექვსი სპიკერი წარსდგა, რომელთაც აუდიტორიას მათი მრავალწლიანი გამოცდილება გაუზიარეს ისეთ თემებზე, როგორიცაა გართობის ინდუსტრიის მომავალი, სოციალური გეიმინგი, მომხმარებლის გამოცდილება და ა.შ.

18 ივნისის სპიკერები იყვნენ:

• დავით ჩეჩელაშვილი — გართობის ინდუსტრიის მომავალი
• სოფიო გაჩეჩილაძე — მომხმარებლის გამოცდილება - ქვესტი სტარტაპების წარმატებისთვის
• გიორგი ტაბიძე — ქსელური ეფექტების გამოყენება ციფრულ პროდუქტებსა და სერვისებში
• ირაკლი მიქიაშვილი — როგორ ვითამაშოთ კარიერაში
• ირაკლი დავარაშვილი — პირველი ქართული ინტერაქტიული კინო - თამაში
• მარკ რეინ-ჰაგენი — სინერგიული სთორითელინგი: კრეატიული სოციალური გეიმინგი 2.0

გახსნის დღესვე, ჰაკათონის მონაწილეებს კონკურსის წესების გააცნეს და ბრიფი წარუდგინეს:

მთელი მსოფლიო დიდი გამოწვევის წინაშეა, ფაქტია, რომ მსოფლიო აღარ იქნება ისეთი, როგორიც იყო პანდემიამდე, Covid-19 დიდ გავლენას გარემოზე და გვიწევს სწრაფი ადაპტირება შეცვლილ ახალ რეალობასთან. იცვლება წესები, ქცევები და ფორმები, ადამიანებს მოუწიათ სახლში ყოფნა და ისწავლეს ბევრი რამის დისტანციურად კეთება. შეძლებისდაგვარად ყველა საქმიანობამ გადაინაცვლა ონლაინ, გამკაცრდა უსაფრთხოების ზომები და პარალელურად გაჩნდა ახალი შესაძლებლობებიც.

პრობლემას წარმოადგენს ის, რომ პანდემია თავის კვალს ამჩნევს გართობის ფორმებსაც. კიდევ დიდი ხანი ვერ გავერთობით იმ ხერხებით, რომლითაც ვერთობოდით, დღესდღეობით ადამიანები ძველებურად ვეღარ ხვდებიან ერთმანეთს, იმატა თავისუფალმა დრომ, მაგრამ იმატა სტრესმაც. შესაბამისად, გაჩნდა მოთხოვნა გართობის ახალი გზების საძიებლად, რომელიც იქნება უფრო უსაფრთხო და დიდი ვარაუდით დისტანციური. ამ ყველაფრიდან გამომდინარე, გუნდებს დაევალათ, წარადგინონ იდეა, თუ როგორ შეიძლება გავერთოთ მომავალში ტექნოლოგიების დახმარებით შეცვლილი რეალობის გათვალისწინებით, ონლაინ, უსაფრთხოების ზომების დაცვით და უნდა შეიმუშავონ ამ იდეის რეალური ტექნოლოგიური გადაწყვეტილების გზები.

კონკურსში წინასწარ დარეგისტრირებული გუნდები მონაწილეობენ. გუნდებში მაქსიმუმ 4 ადამიანი ერთიანდება. მათ პროექტების წარსადგენად 24 საათი მიეცათ.

გამარჯვებულებისთვის კომპანია აჭარაბეთმა დამატებით 20 000-ლარიანი საპრიზო ფონდი გამოყო, გამარჯვებული გუნდი ასევე დამატებით სტარტაპ გრაინდის რეგიონალურ კონფერენციაზე შეძლებს კომპანიის წარდგენას და სილიკონ ველის ინვესტორებთან შეხვედრას.

დღეს, 19 ივნისს, 18:00 საათზე მონაწილეები მენტორებს შეხვდებიან. შემდეგ კი ღონისძიებას 20:00 საათიდან კიდევ ექვსი ქართველი და უცხოელი სპიკერი გააგრძელებს.

19 ივნისს ფესტივალზე წარდგებიან:

• ზურა ჯიშკარიანი — ციფრული ასისტენტები და ავატარ-თერაპია
• ლაშა ჯოჯუა — NOOPS & RPA
• არჩილ ვარშანიძე — MVP - Most Valuable in Product
• ვახო მდივანი — მარკეტინგის გემიფიკაცია
• ემი პეკი — მომავალი არ გაშუქდება: ჩვენი მომავლის ვირტუალური, შეცვლილი და შერეული რეალობა
• კოტე ხუციშვილი — გუნდის კმაყოფილება, როგორც საუკეთესო შედეგების წინაპირობა

ტექ-ფესტივალზე დასწრება თავისუფალია. მასზე დასასწრებად მიჰყევით ამ ბმულს. ფესტივალი 21 ივნისს დასრულდება.