18 ივნისს ციფრული ტექ-ფესტივალი aTech Restart იწყება და 21 ივნისამდე გაგრძელდება. ფესტივალი აჭარაბეთის ინიციატივითა და ფინანსური მხარდაჭერით, Startup Grind Tbilisi Georgia-სთან ერთად იმართება. ტექ-ფესტივალის თემაა "ტექნოლოგიური ადაპტაცია ახალ რეალობასთან".

აჭარაბეთი კოპორაციული სოციალური პასუხისმგებლობის ფარგლებში მუდმივად ახორციელებს ინვესტიციას აღნიშნული დარგის განვითარებისთვის საქართველოში. მისთვის მნიშვნელოვანია ინოვაციების და ტექნოლოგიური განვითარების მხარდაჭერა.

აღსანიშნავია, რომ ფესტივალის ფარგლებში გაიმართება ტექ-ჰაკათონი, სადაც მონაწილეებს შესაძლებლობა ექნებათ, წარმოადგინონ ინოვაციური იდეა და ამ იდეის ტექნოლოგიური გადაწყვეტა იმის შესახებ, თუ როგორ უნდა გავერთოთ მომავალში თანამედროვე ტექნოლოგიების დახმარებით.

ჰაკათონზე რეგისტრაცია უკვე 100-მდე გუნდმა გაიარა, გამარჯვებულებისთვის კომპანია აჭარაბეთმა დამატებით 20 000-ლარიანი საპრიზო ფონდი გამოყო, გამარჯვებული გუნდი ასევე დამატებით სტარტაპ გრაინდის რეგიონალურ კონფერენციაზე შეძლებს კომპანიის წარდგენას და სილიკონ ველის ინვესტორებთან შეხვედრას.

18-19 ივნისს ფესტივალზე 12 მომხსენებელი წარდგება:

  • დავით ჩეჩელაშვილი — გართობის ინდუსტრიის მომავალი
  • სოფიო გაჩეჩილაძე — მომხმარებლის გამოცდილება - ქვესტი სტარტაპების წარმატებისთვის
  • ზურა ჯიშკარიანი — ციფრული ასისტენტები და ავატარ-თერაპია
  • ლაშა ჯოჯუა — NOOPS & RPA
  • გიორგი ტაბიძე — ქსელური ეფექტების გამოყენება ციფრულ პროდუქტებსა და სერვისებში
  • ირაკლი მიქიაშვილი — როგორ ვითამაშოთ კარიერაში
  • არჩილ ვარშანიძე — MVP - Most Valuable in Product
  • ვახო მდივანი — მარკეტინგის გემიფიკაცია
  • ირაკლი დავარაშვილი — პირველი ქართული ინტერაქტიული კინო - თამაში
  • მარკ რეინ-ჰაგენი — სინერგიული სთორითელინგი: კრეატიული სოციალური გეიმინგი 2.0
  • ემი პეკი — მომავალი არ გაშუქდება: ჩვენი მომავლის ვირტუალური, შეცვლილი და შერეული რეალობა
  • კოტე ხუციშვილი — გუნდის კმაყოფილება, როგორც საუკეთესო შედეგების წინაპირობა

ფესტივალის მონაწილეებს ასევე შესაძლებლობა ექნებათ სტუმრებს ონლაინ მოუსმინონ და კითხვები დაუსვან.