რუსთავი 2-ის ინფორმაციით, თბილისის სააპელაციო სასამართლოში გამართულ პროცესზე მოსამართლემ ნიკა გვარამია 500 ლარით დააჯარიმა.

მოსამართლე ნატა ნაზღაიძემ გადაწყვეტილება მას შემდეგ მიიღო, რაც ნიკა გვარამიამ სხდომის თავჯდომარეს დავალებების შემსრულებელი და მიკერძოებული უწოდა.

ნაზღაიძის თქმით, რუსთავი 2-ის დირექტორის ეს შეფასება არის უხამსი და უპატივცემულობას გამოხატავს.

მანამდე ნიკა გვარამიამ 2 შუამდგომლობა დააყენა, ის სასამართლო პროცესის გადადებასა და სხდომის თავჯდომარის, ნატა ნაზღაიძის, აცილება მოითხოვა.

სააპელაციო სასამართლოში რუსთავი 2-ის საქმის განხილვა მიმდინარეობს. ტელეკომპანია მოსამართლე თამაზ ურთმელიძის მიერ დადებული ყადაღის მოხსნასა და ქიბარ ხალვაშისთვის 100%-იანი წილის გადაცემის გაუქმებას ითხოვს.

სასამართლო პრეცესზე მოპასუხედ წარმოდგენილი ქიბარ ხალვაშის ადვოკატები კომპანიის ლოგოსა და გადაცემებზე საავტორო უფლებების აღიარებას ითხოვენ.