ახალი ზელანდიის პრემიერმინისტრის, ჯასინდა არდერნის განცხადებით, ქვეყანაში კორონავირუსის შიდა გადაცემა აღარ ფიქსირდება. სასაზღვრო შეზღუდვების გარდა, ქვეყანაში ყველა დანარჩენი შეზღუდვა იხსნება. ახალი ზელანდია პირველი ქვეყანაა, რომელიც მსგავს ნაბიჯს დგამს.

როგორც Reuters წერს, თებერვლის შემდეგ ახალ ზელანდიაში პირველად არ ფიქსირდება აქტიური შემთხვევა. სულ ქვეყანაში ინფიცირების 1 154 შემთხვევაა გამოვლენილი, რომელთაგან 22 ადამიანი გარდაიცვალა.

საჯარო და კერძო ღონისძიებები, საცალო ვაჭრობისა და სასტუმროს ბიზნესი, ასევე საზოგადოებრივი ტრანსპორტი მუშაობას სოციალური დისტანციის დაცვის გარეშე გააგრძელებს მუშაობას. ქვეყანაში შემსვლელი ყველა პირი კვლავ გაივლის შემოწმებას.

"ჩვენ დარწმუნებული ვართ, რომ ახალ ზელანდიაში ვირუსის შიდა გადაცემა აღმოფხვრილია", — განაცხადა ჯასინდა არდერნმა.

ახალი ზელანდიის წარმატებაში წვლილი შეიტანა 75-დღიანმა შეზღუდვებმა, მათ შორის საყოველთაო კარანტინმა, რა დროსაც ხალხს ქუჩაში გასვლის უფლება არ ჰქონდა და რამდენიმე გამონაკლისის გარდა, ეკონომიკური საქმიანობა შეჩერებული იყო.