ნიგერიაში მეკობრეების მიერ გატაცებული 9 ქართველი მეზღვაური სამშობლოში დაბრუნდა. საზღვაო ტრანსპორტის სააგენტოს ინფორმაციით, სპეციალური ავიარეისი თბილისი-ლაგოსი-თბილისი 7 ივნისს შესრულდა.

"მეზღვაურების გამოხსნის პროცესში და ნიგერიის სახელმწიფო სტრუქტურებთან მოლაპარაკებებში, საზღვაო ტრანსპორტის სააგენტოსთან ერთად, უშუალოდ მონაწილეობდა საქართველოს საგარეო საქმეთა სამინისტრო. პროცესის წარმატებით დასრულებაში ასევე დიდი წვლილი შეიტანა გემთმფლობელმა კომპანიამ", — აღნიშნავენ სააგენტოში.

მათივე ინფორმაციით, მეზღვაურებს თბილისის საერთაშორისო აეროპორტში ეკონომიკისა და მდგრადი განვითარების სამინისტროს საზღვაო ტრანსპორტის სააგენტოს დირექტორი თამარ იოსელიანი დახვდა.

ინფორმაცია მეკობრეების მიერ 9 ქართველი მეზღვაურის გატაცებაზე 2 მაისს გავრცელდა. საზღვაო ტრანსპორტის სააგენტოს ცნობით, პანამის დროშის ქვეშ მცურავი მეკობრეები გემს 30 აპრილს დაესხნენ თავს. 22 მაისს კი ცნობილი გახდა, რომ მეზღვაურები გაათავისუფლეს.