ბათუმში, ერთ-ერთი მშენებლობიდან მუშა გადმოვარდა და გარდაიცვალა. ახალგაზრდა მამაკაცი ახალი ბულვარის ტერიტორიაზე მიმდინარე მშენებლობაზე იყო დასაქმებული.

როგორც On.ge-ს შინაგან საქმეთა სამინისტროში განუცხადეს, გამოძიება საქართველოს სისხლის სამართლის კოდექსის 240-ე მუხლის მეორე ნაწილით მიმდინარეობს, რაც გულისხმობს სამუშაოს წარმოებისას უსაფრთხოების წესის დარღვევას, რამაც ადამიანის სიცოცხლის მოსპობა ან სხვა მძიმე შედეგი გამოიწვია.