კანიე ვესტმა იმ აფრო-ამერიკელების ოჯახებს, რომლებიც პოლიციის ძალადობას ემსხვერპლნენ, $2 მილიონ გადაურიცხა. პოპულარული ჰიპ-ჰოპ არტისტი ბრეონა ტეილორის, აჰმად არბერისა და ჯორჯ ფლოიდის ოჯახებს ეხმარება.

ვესტი ასევე კოლეჯის გადასახადს დაუფარავს ჯიანა ფლოიდს, ჯორჯ ფლოიდის 6 წლის შვილს.

ჯორჯ ფლოიდი 25 მაისს, დაკავების დროს გარდაიცვალა. მას პოლიციეილ კისერზე მუხლებით აჭერდა, იმის მიუხედავად, რომ ფლოიდი შველას ითხოვდა და ამბობდა, რომ ვერ სუნთქავდა. ექსპერტიზის შედეგებმა აჩვენა, რომ ფლოიდის გარდაცვალება უჟანგბადობამ გამოიწვია. საქმესთან დაკავშირებით დაკავებულია 4 პოლიციელი, ამერიკაში კი 1 კვირაზე მეტია აქციები არ წყდება. მოქალაქეები უთანასწორობისა და რასიზმის დასრულებას ითხოვენ.

გუშინ Forbes-მა 2020 წლის ყველაზე მაღალანაზღაურებადი ვარსკვლავების სია გამოაქვეყნა და აღმოჩნდა, რომ მუსიკოსებს შორის კანიე ვესტი ლიდერობს.