ოზურგეთის მერიის თანამშრომელი, გიორგი თავართქილაძე ნარკოდანაშაულის ბრალდებით დააკავეს. ინფორმაცია თავდაპირველად მთავარმა არხმა გაავრცელა.

ოზურგეთის მერიაში On.ge-ს უთხრეს, რომ გიორგი თავართქილაძე სამხედრო აღრიცხვის და მობილიზაციის მთავარი სპეციალისტია.შინაგან საქმეთა სამინისტროში ამბობენ, რომ დაკავება ორი დღის წინ მოხდა.

საქმეზე გამოძიება საქართველოს სისხლის სამართლის კოდექსის 260-ე მუხლის პირველი ნაწილით მიმდინარეობს. დანაშაული ნარკოტიკული საშუალების, მისი ანალოგის, უკანონო დამზადებას, წარმოებას, შეძენას, შენახვას, გადაზიდვას, გადაგზავნას ან გასაღებას გულისხმობს. დანაშაული 6 წლამდე პატიმრობით ისჯება.