IDFI-ის მიერ შინაგან საქმეთა სამინისტროსგან მოპოვებული ინფორმაციით, 2013 წლის იანვრიდან ოქტომბრის ჩათვლით, უწყების ცენტრალური აპარატის 8 დეპარტამენტის უფროსზე გაცემულია 377 250 ლარის ოდენობის პრემია, საიდანაც ყველაზე დიდი თანხა მიღებული აქვს ზვიად ჯანყარაშვილს 70 000 ლარი.

ფოტო: IDFI

ერთჯერადად ცენტრალური აპარატის დეპარტამენტის უფროსებს შორის, ყველაზე დიდი თანხა მიღებული აქვს ავთანდილ თაბუნიძეს - აგვისტოს პრემია 18 750 ლარი და ირაკლი ჩიმაკაძეს - სექტემბრის პრემია 11 250 ლარი.

ასევე, IDFI კიდევ ერთ დარღვევად მიიჩნევს იმასაც, რომ ზვიად ჯანყარაშვილის თანამდებობაზე მიღებული დეკლარირებული შემოსავალი შეადგენს 78 103 ლარს, მაშინ როდესაც 10 თვეში მხოლოდ პრემიის სახით მიღებული აქვს 70 000 ლარი.

ჯანყარაშვილი ყოფილი პრემიერ მინისტრის, ირაკლი ღარიბაშვილის სიმამრის, თამაზ თამაზაშვილის დისშვილია. იგი 2014 წლის 15 აპრილამდე შსს-ს გენერალური ინსპექციის დეპარტამენტის უფროსის თანამდებობაზე იყო.