ინოვაციები, ტექნოლოგიები და პროგრამირება - თბილისმა Google-ის ფესტივალს უმასპინძლა
ვორქშოფები, გასართობი თამაშები, ღია ლექციები, CodeLabs - ეს იმ აქტივობების არასრული ჩამონათვალია, რომლებიც, 27 ნოემბერს, Google-ის ერთ-ერთ ყველაზე მასშტაბური ღონისძიების DevFest თბილისი 2016-ის ფარგლებში მოეწყო.
ქართველმა და უცხოელმა სპიკერებმა ბევრი საინტერესო თემა განიხილეს. მათ შორის ერთ-ერთი მთავარი საკითხი ქართული მთავრული ასოების უნიკოდში დამატება იყო. აღნიშნულ თემაზე მაიკლ ევერსონმა ისაუბრა, რომელიც სპეციალურად DevFest-ისთვის და ქართველ მსმენელებთან შესახვედრად ჩამოვიდა ირლანდიიდან.
როგორც ფესტივალის ერთ-ერთი სპიკერი, პოლ ლამერთსმა ამბობს, DevFest მაგალითია ყველასთვის, თავისი ფენომენალური ტექნიკური სესიებითა და Codelab-ებით:
"აღფრთოვანებული ვიყავი არა მხოლოდ სავსე დარბაზების ხილვით, არამედ მსმენელთა ჩართულობით. ქართველების სწავლის სურვილი და ტექნიკური უნარები საშინლად შთამაგონებელია. კონფერენციებზე ჩემი მოგზაურობის მრავალი წლის განმავლობაში, იშვიათად მინახავს ასეთი აქტუალური და რეგიონის განვითარებისთვის მნიშვნელოვანი ღონისძიება.
ადგილობრივების სტუმართმოყვარეობამ ღონისძიებაზე დასწრება ძალიან სასიამოვნო გახადა. დაწყებული ჩემი მასპინძლებისა და ფესტივალის სპონსორების გულისხმიერებით და დამთავრებული გულწრფელი მადლობებით, რომლებიც დამსწრეებისგან მივიღე.
აუცილებლად დავბრუნდები ამ ფანტასტიურად ორგანიზებულ ღონისძიებაზე, რეგიონის გულში, რომელსაც უამრავი გამოწვევა და შესაძლებლობა აქვს."
გავსებული დარბაზები და ინტერაქტიული დიალოგები ღონისძიების წარმატებაზე მიუთითებს. ტექნოპარკის სტუმრები დაახლოებით 9 საათის განმავლობაში თანაბარი ინტერესით უსმენდნენ სპიკერებს. როგორც ჩანს, ქართველი დეველოპერებისთვის და არამხოლოდ მათთვის, DevFest ძალიან მნიშვნელოვანი მოვლენა გახდა. ამაზე On.ge-სთან ღონისძიების სტუმრებმაც ისაუბრეს.
ჰაკათონების ორგანიზატორის, ოთო ზაკალაშვილის თქმით, სწორედ ასეთი ღონისძიებების დამსახურებაა, რომ საქართველოში ტექნოლოგიების სფეროთი დაინტერესებული ადამიანების რიცხვი იზრდება:
"DevFest-ი და მსგავსი ღონისძიებები მნიშვნელოვანია ტექნოლოგიების სფეროს განვითარებისთვის. ასეთი ღონისძიებები ხელს უწყობს სხვადასხვა გამოცდილების მქონე ადამიანებს შორის გამოცდილების გაზიარებას და კავშირების შექმნას. კონკრეტულად გუშინ ჩატარებულ DevFest-ზე დამსწრეების რაოდენობით თუ ვიმსჯელებთ, აშკარაა რომ ბოლო 3-4 წლის განმავლობაში ტექ საზოგადოება საკმაოდ გაიზარდა და ეს ასეთი ღონისძიებების დამსახურებაა".
ფესტივალის მნიშვნელობაზე საუბრობს ნინო მაჭარაშვილიც. მისი თქმით, ასეთი ღონისძიებები არა მხოლოდ ახალი ნაცნობების შეძენისთვის არის კარგი, არამედ ქმნის სივრცეს, სადაც უკვე ნაცნობ ადამიანებთან აღრმავებ ურთიერთობებს:
"მსგავსი ღონისძიებები მნიშვნელოვანია, რადგან, დამწყები თუ უკვე გამოცდილი სპეციალისტები ეცნობიან ახალ ტექნოლოგიებს, თემებს, ერთმანეთს უზიარებენ გამოცდილებასა და იდეებს; ხდება ე.წ. "ქომიუნითის" შეკვრა, ჩამოყალიბება, რომელთაც საერთო ინტერესები აქვთ. მსგავსი ღონისძიებებიდან დაწყებული ნაცნობობა, დიდი შანსია, გადაიზარდოს პროფესიულ კავშირად და ამ ადამიანებმა ერთად დაიწყონ სხვადასხვა იდეასა, თუ პროექტზე მუშაობა.
"მნიშვნელოვანია, რომ მსგავსი ღონისძიებები, თუნდაც ნაკლებად მასშტაბური, ხშირად ჩატარდეს, რათა შეიქმნას ძლიერი ეკოსისტემა, სადაც საჭირო კადრისა თუ გამოცდილების მოძიება უკვე ჩამოყალიბებული "ქომიუნითის" დახმარებით უფრო ადვილი იქნება, ვიდრე ახლაა. გრძელვადიან პერიოდში, ეს ხელს შეუწყობს ქვეყანაში ტექნოლოგიების მიმართულებით ბიზნესების განვითარებას, ინვესტორების დაინტერესებას, და, ზოგადად, ეკონომიკურ წინსვლას."
როგორც აღმოჩნდა, ფესტივალით მხოლოდ დეველოპერები არ დაინტერესებულან:
"ეს ძალიან მნიშვნელოვანი ღონისძიებაა დეველოპერებისა და ბიზნესის სფეროში მოღვაწე ადამიანებისათვის. კიდევ უფრო მნიშვნელოვანი იყო ამდენი ადამიანის ინტერესი ასეთ ფესტივალზე. ძალიან ინტერაქტიული იყო. სასიამოვნოა, როცა ხედავ რომ ამდენ ადამიანს აინტერესებს ინოვაციები და პროგრამირება. მიუხედავად იმისა, რომ მე არ ვარ დეველოპერი, მაინც ძალიან საინტერესო იყო ჩემთვის." - უთხრა On.ge-ს საკო კოჭლამაზიშვილმა.
ფესტივალის წარმატებაზე საუბრობენ ორგანიზატორებიც. 400-მდე დამსწრე და სავსე დარბაზები ორგანიზატორებს საშუალებას აძლევს თქვან, რომ ინტერესი ახალი ტექნოლოგიების მიმართ საქართველოში გაიზარდა:
"ფესტივალმა წარმატებულად ჩაიარა და ახლა უკვე შეგვიძლია ვთქვათ, რომ ინტერესი ახალი ტექნოლოგიების მიმართ საქართველოში გაიზარდა. საჭიროა ასეთი ღონისძიებები ხშირად ტარდებოდეს და ქართველ აუდიტორიას ჰქონდეს ამ სფეროში უკვე წარმატებულ პირებთან კომუნიკაციის, გამოცდილების გაზიარების საშუალება."
DevFest თბილისი 2016 27 ნოემბერს, ტექნოპარკში გაიმართა. ფესტივაზლე მოწვეული სპიკერები იყვნენ: სანდრო დოლუა, გიორგი მამალაძე, აკაკი რაზმაძე, მაიკლ ევერსონი, ოთო ფრანგიშვილი, პოლ ლამერთსმა, სალომე ვახტანგაძე, ტატო კუტალია, ვახო ვახტანგიშვილი, პავლე გაბრიჭიძე, ანდრო ბორცვაძე და სხვა ქართველი და უცხოელი სპიკერები.
წელს ამ ღონისძიების თანაორგანიზატორები Google Developers Group (GDG) Tbilisi, Google Business Group (GBG) Tbilisi და GeoLab იყვნენ.
ფესტივალის მხარდამჭერები კი Google და ინოვაციებისა და ტექნოლოგიების სააგენტო იყვნენ.
-
-
გადახედვასანქციები, სავიზო შეზღუდვების გაფართოება, პირდაპირი დაფინანსების შეწყვეტა — რა წერია ამერიკელი სენატორების წერილში, რომელიც კობახიძეს გაუგზავნეს სანქციები, სავიზო შეზღუდვების გაფართოება, პირდაპირი დაფინანსების შეწყვეტა — რა წერია ამერიკელი სენატორების წერილში, რომელიც კობახიძეს გაუგზავნეს
-
-
გადახედვამელანომის პირველ ინდივიდუალიზებულ ვაქცინას უკვე ასობით ადამიანზე ცდიან მელანომის პირველ ინდივიდუალიზებულ ვაქცინას უკვე ასობით ადამიანზე ცდიან
-
გადახედვაყველაზე დიდი ცხოველი, რომელსაც ხმელეთზე უარსებია — პატაგოტიტანი ყველაზე დიდი ცხოველი, რომელსაც ხმელეთზე უარსებია — პატაგოტიტანი
-
გადახედვაSETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ SETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ
-
გადახედვაამომავალი ვარსკვლავები — გიორგი გიგაშვილი პრესტიჟული ევროპული პროგრამის გამარჯვებულია ამომავალი ვარსკვლავები — გიორგი გიგაშვილი პრესტიჟული ევროპული პროგრამის გამარჯვებულია
-
გადახედვამეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს მეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს
-
-
-
გადახედვაილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ ილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ
-
-
-
გადახედვამკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს მკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს
-
გადახედვა29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს 29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს
-
-
გადახედვა"ობობები" მარსზე — რატომ ჩნდება წითელ პლანეტაზე სეზონური მუქი ლაქები "ობობები" მარსზე — რატომ ჩნდება წითელ პლანეტაზე სეზონური მუქი ლაქები
-
გადახედვალელო: ვუერთდებით 28 აპრილს დაანონსებულ ევროპულ მარშს, რათა კიდევ ერთხელ ვუთხრათ "კი" ევროპას და "არა" რუსულ კანონს! ლელო: ვუერთდებით 28 აპრილს დაანონსებულ ევროპულ მარშს, რათა კიდევ ერთხელ ვუთხრათ "კი" ევროპას და "არა" რუსულ კანონს!
-
გადახედვაალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო ალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო
-
გადახედვაზენდეია სპაიდერმენის შეყვარებულებიდან მესამეა, რომელმაც ჩოგბურთელის როლი მოირგო ზენდეია სპაიდერმენის შეყვარებულებიდან მესამეა, რომელმაც ჩოგბურთელის როლი მოირგო
-
გადახედვა18-წლიანი პატიმრობა მიესაჯა პირს, რომელმაც ყოფილი ცოლი დაჭრა, მისი ქმარი კი მოკლა 18-წლიანი პატიმრობა მიესაჯა პირს, რომელმაც ყოფილი ცოლი დაჭრა, მისი ქმარი კი მოკლა
კომენტარები