18 ივნისიდან თურქეთის ავიახაზები ევროპის 6 ქვეყნიდან თურქეთის მიმართულებით ფრენების ცალმხრივად დაიწყებას გეგმავს. ამაზე ინფორმაციას საქართველოს მოქალაქეების საყურადღებოდ, თურქეთში საქართველოს საელჩო ავრცელებს.

მათივე ცნობით, თურქეთის ავიახაზების წარმომადგენლების განცხადებით, 18 ივნისიდან, პირველ ეტაპზე, ცალმხრივად, პირდაპირი საერთაშორისო ფრენები დაიწყება ევროპის 6 ქვეყნის 16 ქალაქიდან თურქეთის 14 ქალაქის მიმართულებით. საერთაშორისო ავიარეისები განხორციელდება შემდეგი ქვეყნების ქალაქებიდან:

  1. გერმანია: მიუნხენი, ბერლინი, ფრანკფურტი, შტუტგარტი, ჰანოვერი, კიოლნი, დიუსელდორფი და ჰამბურგი;
  2. შვეიცარია: ციურიხი, ჟენევა და ბაზელი;
  3. ავსტრია: ვენა და ზალცბურგი;
  4. ჰოლანდია: ამსტერდამი;
  5. დანია: კოპენჰაგენი;
  6. შვედეთი: სტოკჰოლმი.

საელჩო მოქალაქეებს მოუწოდებს, დამატებითი კითხვების არსებობის შემთხვევაში ეწვიონ თურქეთის ავიახაზების ვებ-გვერდს, ან დაუკავშირდნენ ტელეფონის შემდეგ ნომერზე: 444 0 849.