დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

საქართველოში კორონავირუსისგან კიდევ 19 ადამიანი გამოჯანმრთელდა და 11 დაინფიცირდა. ამის შესახებ მონაცემები Stopcov.ge-ზე ცოტა ხნის წინ განახლდა.

ბოლო მონაცემებით, ქვეყანაში სულ დადასტურებულია კორონავირუსის 794 შემთხვევა, მათ შორის გამოჯანმრთელებულია 624 ადამიანი, ხოლო გარდაცვლილია — 12. კარანტინის რეჟიმში 2 494 პირი რჩება, სტაციონარში მეთვალყურეობის ქვეშ — 301.

ცენტრალური ინფექციური საავადმყოფოს კლინიკური დირექტორის, მარიანა ეზუგბაიას თქმით, ახალი ინფიცირებული 11 პაციენტიდან 8 საბურთალოს კლასტერიდანაა, ხოლო 3 მარნეულის სოფელი მარეთიდან.

ეზუგაბიას თქმით გუშინ კლინიკაში 6 ახალი პაციენტი მიიღეს მარეთიდან და ბოლნისის წინა დღეს დადასტურებული შემთხვევებიდან.

ბოჭორიშვილის კლინიკის სამეთვალყურეო საბჭოს დირექტორის, მაკა სოლოღაშვილის განცხადებით, მათ კლინიკაში 11 ახალი პაციენტია, მათგან 7 საბურთალოს კლასტერს მიეკუთვნება, ხოლო 4 ბოლნისიდანაა. ბოჭორიშვილის კლინიკაში ბოლო 24 საათის განმავლობაში 4 პაციენტი გამოჯანმრთელდა.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: